សង្គម
មិត្តភក្តិអាចនឹងមានច្រើន ប៉ុន្តែមិត្តល្អ មិត្តចេះយល់ចិត្តគឺមិនងាយមាននោះទេ ក្នុងន័យនេះមិនមែនអត់មានទេ គឺមាន តែមានចំនួនតិចតួចណាស់ មិត្តចេះជួយយកអាសារគ្នាក្នុងគ្រាលំបាក មិត្តចេះដឹងគុណ មិត្តនឹកឃើញគ្រាលំបាក និងចេះតបស្នងពេលខ្លួនបានធូរ-ធារ ថ្ងៃនេះយើងនឹងបង្ហាញមិត្តគម្រូម្នាក់ដែលគួរតែគ្រប់គ្នាយកគម្រូតាម។
បុរសម្នាក់បានឲ្យដឹងរឿងរ៉ាវរបស់ខ្លួន កាលនៅឆ្នាំ១៩៩៧ ខណៈដែលខ្លួនខ្វះខាត ពុំមានលទ្ធភាពក្នុងការសិក្សាបន្ត តែមានមិត្តល្អម្នាក់គឺសុខចិត្តជួយដោយខ្លួនយកជីរបស់ឪពុកទៅលក់ដើម្បីយកថវិកានោះមកឲ្យមិត្តដែលខ្វះខាត ទាំងដែលមិនមែនជាមិត្តភក្តិរៀនជាមួយគ្នាទៀត។
បុរសរូបនេះបានឲ្យដឹងបន្តថា ថវិកាដែលទទួលបានក្នុងឆ្នាំនោះគឺចំនួន ៧ម៉ឺនរៀល សម្រាប់គេអ្នកមានគឺមិនច្រើនទេ តែសម្រាប់រូបគាត់ដែលខ្វះខាតគឺច្រើនខ្លាំ.ងណា.ស់ ហើយមួយទៀតគឺអត់មានលុយក្នុងការទិញបាយបរិភោគក៏បានមិត្តល្អរបស់គាត់ម្នាក់ហ្នឹងឲ្យដែរ
តែរហូតមកដល់ឆ្នាំ២០២១នេះរយៈពេល២៤ឆ្នាំមក អំពើល្អទាំងនេះ គឺគាត់នឹងតបស្នងដោយរថយន្តព្រូសមួយគ្រឿង ដោយប្រគល់សោជូនដល់ដៃតែម្ដង ជាទឹកចិត្តតបស្នង ជាមួយការសាទរយ៉ាងច្រើន។
