សង្គម
អគ្គិសនីកម្ពុជា បានជូនព័ត៌មានបន្ថែមទាក់ទងនឹងករណីដាច់ចរន្តអគ្គិសនីពីអនុស្ថានីយទី២ (GS2-F7A) មូលហេតុដោយសារមានសត្វពស់វារឡើងលើក្បាលត្រង់ស្វូ ដែលបណ្តាលឲ្យដាច់ចរន្តអគ្គិសនីនៅតំបន់មួយចំនួនស្ថិតនៅ៖
(១)សង្កាត់ទន្លេបាសាក់ សង្កាត់បឹងត្របែក សង្កាត់ទួលទំពូង និងសង្កាត់ផ្សារដើមថ្កូវ ខណ្ឌចំការមន (២)សង្កាត់បឹងកេងកង និងសង្កាត់អូឡាំពិក ខណ្ឌបឹងកេងកង (៣)សង្កាត់វាលវង់ ខណ្ឌ៧មករា រាជធានីភ្នំពេញ។
ក្រុមការងារបច្ចេកទេសបានធ្វើការពិនិត្យ និងភ្ជាប់ចរន្តជូនអតិថិជនឲ្យមានចរន្តអគ្គិសនីប្រើប្រាស់ឡើងវិញនៅវេលាម៉ោង ១៦:២០នាទីរសៀល។ អាស្រ័យហេតុនេះ សូមសម្តេច ទ្រង់ ឯកឧត្តម លោកជំទាវ អ្នកឧកញ៉ា លោកលោកស្រី មេត្តាជ្រាបជាព័ត៌មាន។ សូមអរគុណ ថ្ងៃសុក្រ ៩រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ រាជធានីភំ្នពេញ ថ្ងៃទី២៥ ខែកុម្ភៈ ឆ្នាំ២០២២
