សង្គម
តាកែវ៖ នៅព្រឹក ថ្ងៃពុធ ១៤រោច ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២ ខែមីនា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិន ប្រចាំនៅកម្ពុជា បានអញ្ជើញសម្ពោធដាក់ឱ្យប្រើប្រាស់ ជាផ្លូវការនូវកំណាត់ផ្លូវជាតិលេខ៣ ពី ភ្នំពេញ-កំពត ប្រវែងជាង ១៣៤គីឡូម៉ែត្រ ស្ថិតនៅភូមិត្រាំខ្នារ ឃុំសូភី ស្រុកបាទី ខេត្តតាកែវ។
នៅក្នុងពិធីនេះមានវត្តមានមន្ត្រីសំខាន់ៗ និងអភិបាលខេត្តជាច្រើនបានចូលរួម ប៉ុន្តែខេត្តដែលជាប់គ្នានឹងខេត្តតាកែវនេះ មិនឃើញមានវត្តមាន ឯកឧត្តម វ៉ី សំណាង អភិបាលខេត្តកំពង់ស្ពឺ បានចូលរួមឡើយដោយសារតែលោក បានឆ្ល.ងកូ.វីដ ១៩ ហេីយបានជាសះស្បេីយឡេីងវិញ ក៏ប៉ុន្តែឯកឧត្តមនៅរក្សាគម្លាតដេីម្បីសុវ.ត្ថិភាពថ្នាក់ដឹកនាំ។
នេះបើតាមការបញ្ជាក់ពីលោក ឡៃលី ប៉ោយប៉ែត ដោយលោកបានលើកឡើងថា ឯកឧត្តម វ៉ី សំណាង បញ្ជាក់ថា ខ្ញុំបាទមិនបានចូលរួមនៅក្នុង កម្មវិធីសម្ពោធដាក់ឱ្យប្រើប្រាស់ផ្លូវជាតិលេខ ៣ ក្រោមអធិបតីភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជានាព្រឹកថ្ងៃទី០២ ខែមិនា ឆ្នាំ២០២២នេះ ដោយមូលហេតុខ្ញុំធ្លាប់មានកូ.វីដ១៩។
ប៉ុន្តែ៥ថ្ងៃជាប់ៗគ្នាហើយ តាមរយៈការតេស្តរហ័ស គឺមិនមានមេ.រោ.គទៀតទេ។ ប៉ុន្តែដើម្បីបញ្ចៀសបានការឆ្ល.ងទៅថ្នាក់ដឹកនាំរបស់យើងជាយថាហេតុខ្ញុំបាទនៅចាត់ចែងការងារពីចម្ងាយ ( ក្បែរៗកន្លែងប្រារព្ធពិធី )នឹងទេ។ បេីតាមសម្តេចតេជោ លេីកឡេីងថា នាពេលថ្មីៗនេះមានអភិបាលខេត្តជាច្រើនបានឆ្ល.ងកូ.វី.ដ ១៩ និងបានជាសះស្បេីយ។ សម្តេចតេជោថ្លែងថា បេីទោះជាស្ថានភាពអូមីក្រុងមិនធ្ង.ន់ធ្ង.រក៍ដោយ ក៏ត្រូវការពារមិនឱ្យឆ្ល.ងប្រសេីរជាងឆ្ល.ង។
យើងតែងសង្កេតឃើញហើយថាកន្លងមកអភិបាលខេត្តកំពត អភិបាលខេត្តតាកែវ អភិបាលខេត្តព្រះសីហនុ និងអភិបាលខេត្តកំពង់ស្ពឺតែងតែថតរូបជុំគ្នា ប៉ុន្តែនៅថ្ងៃនេះអវត្តមានលោកអភិបាលខេត្តកំពង់ស្ពឺ ការពិតដោយសារមូលហេតុខាងលើនេះទេ។
