រាជធានីភ្នំពេញ៖ នៅវេលាម៉ោង ០៣និង២០ នាទីទៀបភ្លឺ ថ្ងៃចន្ទ ២រោច ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែឧសភា ឆ្នាំ២០២២ មានករណីអគ្គីភ័យមួយកន្លែងបានកើតឡើង ឆេះផ្ទះថ្មប្រក់ស័ង្កសីទំហំ០៤ម៉ែត្រ x ០៨ម៉ែត្រ នៅចំណុច ផ្លូវ១០៣ ភូមិត្រពាំងឈូក សង្កាត់អូបែកក្អម ខណ្ឌសែនសុខ រាជធានីភ្នំពេញ។
បើតាមនគរបាលពន្លត់អគ្គិភ័យបានឲ្យដឹងថា ម្ចាស់ទី១ ឈ្មោះ លាន ណយ ភេទ ប្រុស អាយុ ៣៩ ឆ្នាំ មុខរបរ លក់ដូង ។ ម្ចាស់ទី២ ឈ្មោះ អេង ប៊ុនថេង ប្រុស់ អាយុ ៣៤ ឆ្នាំ មុខរបរ: លក់ទូរស័ព្ទ និង ម្ចាស់ទី៣ ឈ្មោះ ឡេង សុធី ភេទ ស្រី អាយុ ២៩ ឆ្នាំ មុខរបរ ជាងអ៊ុតសក់នឹងធ្វើក្រចក ។
អគ្គិភ័យខាងលើនេះបណ្ដាលឲ្យ ឆេះសម្ភារៈប្រើប្រាស់អស់ចំនួន០៤បន្ទប់ រួមមានម៉ាសុីនលាងម៉ូតូ សម្ភារះសាឡន ទូរស័ព្ទ គ្រឿងបន្លាស់ទូរស័ព្ទ តែមិនបណ្ដាលឲ្យមានអ្នករងរបួស ឬស្លាប់ឡើយ ចំពោះមូលហេតុ បណ្តាលមកពីឆ្លងចរន្តអគ្គិសនី ។
ប្រតិបត្តិការណ៍នេះ កងកម្លាំងអន្តរាគមន៍បង្ការពន្លត់អគ្គិភ័យបានប្រេីប្រាស់រថយន្តរបស់ការិយាល័យបង្ការពន្លត់អគ្គិភ័យ : ចំនួន ០៦ គ្រឿង ប្រេីប្រាស់ទឹកអស់ ០៦ រថយន្ត ស្មើរនឹង ២៤ម៉ែត្រគូប ពន្លត់ចប់ : នៅវេលាម៉ោង ០៤:០០ នាទីទៀបភ្លឺ ថ្ងៃខែឆ្នាំដដែល ។