សិល្បៈ
«អាពួកម៉ាកបងថ្លៃ» ជាបទចម្រៀងថ្មី បែបប្រជាប្រិយរបស់នាយបឺត ដែលកំពុងផ្ទុះការចាប់អារម្មណ៍ ពីសំណាក់មហាជន ដែលជាស្នាដៃនិពន្ធទំនុកច្រៀង និង ច្រៀងដោយនាយបឺត ផ្ទាល់។
បទនេះ បង្ហោះបានតែ២ថ្ងៃប៉ុន្មោះមានអ្នកចូលមើលជាងមួយលាននាក់ និងមានអ្នកសរសើរមិនដាច់ពីមាត់ អំពីភាពប៉ិនប្រសព្វនៃការតាក់តែងទំនុកច្រៀង និងសម្តែងជាកាយវិការរបស់លោក ។
មិនត្រឹមតែមានការចាប់អារម្មណ៏ពីសំណាក់មហាជនទេ បទនេះក៏បានល្បីខ្ទរខ្ទារទៅដល់ផលិតកម្មដ៏ធំមួយគឺ ផលិតកម្ម កាឡាក់ស៊ីណាវ៉ាត់ត្រា ដែលបានចាប់អារម្មណ៏ចចារចង់ទិញបទចំរៀងនេះ ដើម្បីរៀបចំឱ្យតារាចម្រៀង នៅផលិតកម្មខ្លួនច្រៀង និង ផលិតជាMVសារឡើងវិញ ប៉ុន្តែជាអកុសល នាយបឺតបានបដិសេដ មិនព្រមលក់បទចម្រៀងមួយនេះទៅដល់ផលិតកម្មកាឡាក់ស៊ីឡើយ ដោយមូលហេតុថា បទនេះជាបទដែលលោកស្រលាញ់ ហើយលោកបានតាក់បែបកំប្លែង ដោយរៀបរាប់ពីជីវិតពិតរបស់លោកតែម្តង ។
នាយបឺតបានឱ្យដឹងបន្ថែមទៀតថា មូលហេតុដែលពិសេសទៀតនោះ លោកពិតជាស្តាយនូវអ្វីដែលជាស្នាដៃរបស់ខ្លួន ដែលកើតឡើងពីការខិតខំសិក្សា រហូតបានសញ្ញាបត្រ តែដល់ពេលដែលផលិតបាន បែរជាលក់ឱ្យគេទៅវិញនោះ៕
