សិល្បៈ
មិនមានការលាក់លៀមអ្វីឡើយក្រោយប្រកាសចែ-កផ្លូវជាមួយអតីតគូស្នេហ៍មិនបានប៉ុន្មានផងស្រីស្អាតរូបស្រស់សិ-ចស៊ី អៀ ម៉េងលិ រកបានអ្នកស្អំបេះដូងថ្មី បានភ្លាមៗដែរ។ អ្វីដែលចាប់អារម្មណ៍ទំនាក់ទំនងមួយនេះ អៀ ម៉េងលិ បាន បើកចំហនឹងបានធ្វើពិធីខួបមួយខែក្នុងការស្គាល់គ្នាថែមទៀតផង ។
គ្រាន់តែបែកសង្សារដែលមានទំនាក់ទំនងជាមួយគ្នាប្រមាណជា៥ឆ្នាំភ្លាម អៀ ម៉េងលិ បានងាកមកសាងភាពផ្អែមល្ហែមជាមួយបុរសរូបសង្ហាម្នាក់ហើយថ្មីៗ នេះ ស្រីស្អាត អៀ ម៉េងលិ ក៏បានរៀបចំពិធីខួបនៃការស្គាល់គ្នាមួយខែ យ៉ាងមានក្តីសុខដោយក្នុងនោះនាងក៏ទទួលបានទូរសព័្ទដៃពីសំណាក់ដៃគូកាដូផ្គាប់ចិត្តទៀតផង។
រូបភាពមួយសន្លឹកជាមួយដៃគូថ្មី អៀ ម៉េងលិ បានភ្ជាប់សារដែលមានអត្ថន័យថា« ក្តីស្រលាញ់ពិតប្រាកដមិនមែនត្រូវការមានលុយហ៊ឺហា នោះទេសូមត្រឹមតែស្មោះត្រង់ផ្តល់តម្លៃឱ្យគ្នាទៅវិញទៅមកទៅគ្រប់គ្រាន់ហើយ»។ការបង្ហាញមុខដៃគូថ្មីរបស់ អៀ ម៉េងលិ បានធ្វើឱ្យអ្នកលេងបណ្តាញសង្គមមានការចាប់អារម្មណ៍ និងជូនពរឱ្យចំណងស្នេហ៍រឹងមាំហើយខ្លះទៀតលើកឡើងថាស័ក្តិសមគ្នាណាស់ស្រីស្រស់ប្រុសសង្ហា ។
អ្វីដែលធ្វើឱ្យអ្នកលេងបណ្តាញសង្គមកាន់តែមានការភ្ញាក់ផ្អើលនោះក្រោយបង្ហាញមុខដៃគូថ្មីមិនបានប៉ុន្មានផង ស្រាប់តែ អៀ ម៉េងលិ បានបង្ហាញរូបភាពផ្អែមល្ហែមកៀកកើយជាមួយអតីតគូស្នេហ៍ចាស់ នាយចឺម ដោយមិនខ្លាចគូស្នេហ៍ថ្មីប្រចណ្ឌឡើយ តែយ៉ាងណានាងបាននិយាយថាជាទំនាក់ទំនងក្នុងការងារប៉ុណ្ណាះ៕
