សង្គម
បើតាមគម្រោងតារាចម្រៀងប្រចាំផលិតកម្មហង្សមាស កែវ សុបញ្ញា មានគម្រោងនឹងរៀបការ ទៅតាមប្រពៃណីខ្មែរនៅឆ្នាំ ២០២៤ ប៉ុន្តែយ៉ាងណានាងមានបំណងចង់បានកូនឆាប់ៗមុនរៀប ការដោយសារសុខភាពមិនអំណោយផល ។
បើគិតមកដល់ពេលនេះ កែវ សុបញ្ញា ភ្ជាប់ពាក្យប្រមាណជាងមួយឆ្នាំហើយ តែនាងនិងគូ ដណ្តឹងបានរួមរស់ក្រោមដំបូលតែមួយរួមគ្នាដូចប្តីប្រពន្ធ ហើយក៏មិនមានអ្វីទាស់ខុសដែរ ព្រោះថាក្រោយភ្ជាប់ពាក្យភ្លាម កែវ សុបញ្ញា និងគូដណ្តឹងបានចុះសំបុត្រអាពាហ៍ពិពាហ៍ រួចរាល់តាមផ្លូវច្បាប់ទៅហើយ ។
អ្វីដែលកត់សម្គាល់បើទោះគម្រោងនៅក្នុងការរៀបការទៅ តាមប្រពៃណីខ្មែរនៅយូរបន្តិចក្តី តែតារាចម្រៀង កែវ សុបញ្ញា មានបំណងចង់បានកូន ប្រឡែងលេងឆាប់ៗព្រោះថាសព្វថ្ងៃវ័យរបស់នាង៣១ឆ្នាំហើយសុខភាពក៏មិនអំណោយផល ប៉ុន្មានដែរ ។ មិនមានការលាក់លៀម កែវ សុបញ្ញា បានទម្លាយថា នាងធ្លាប់មានកូនម្តងដែរ តែមិននៅ ។
ដ្បិតបានចុះសំបុត្រអាពាហ៍ពិពាហ៍រួចរាល់នឹងបានរួមរស់ជាមួយគូដណ្តឹងដូចប្តីប្រពន្ធក្តី ប៉ុន្តែ កែវ សុបញ្ញា នៅតែលើកឡើងថានឹងរៀបការទៅតាមប្រពៃណីខ្មែរដោយហេតុផលថាអ្នក ជំពាក់ចំណងដៃច្រើនណាស់ ។មិនត្រឹមជាតារាចម្រៀងដែលមានប្រជាប្រិយភាពនៅក្នុងផលិតកម្មហង្សមាសប៉ុណ្ណោះទេ កែវ សុបញ្ញា ក៏មានទេពកោសល្យក្នុងការសម្តែងរឿងបានល្អមិន ចាញ់អ្នកអាជីពប៉ុន្មានឡើយ៕
