សង្គម
ធ្មេចបើកៗតារាសម្តែង កែវ ស្រីនាង រៀបការបាន ១៩ឆ្នាំហើយថ្ងៃនេះក៏ជា ថ្ងៃពិសេសគម្រប់ ១៩ឆ្នាំដែលនាងបានរៀបអាពាហ៍ពិពាហ៍ជាមួយស្វាមីជា អ្នកជំនួញ ជនជាតិអង់គ្លេស។ រយៈពេល ១៩ឆ្នាំ កែវ ស្រីនាង ទទួលបានកូន ស្រីមួយជាចំណងដៃហើយក៏ជាមូលហេតុដែលធ្វើឱ្យជីវិតប្តីប្រពន្ធខុសសញ្ជាតិ របស់នាងកាន់តែរឹងមាំ។
ជាមួយនឹងការបង្ហាញរូបភាពជាច្រើនសន្លឹកនៅក្នុងថ្ងៃរៀបការកាលពី ១៩ ឆ្នាំមុនតារាសម្តែងរូបស្រស់ កែវ ស្រីនាង បានឱ្យដឹងថាថ្ងៃនេះជាថ្ងៃខួបអាពាហ៍ ពិពាហ៍១៩ឆ្នាំហើយអ្វីៗដែលធ្វើឱ្យជីវិតប្តីប្រពន្ធកាន់តែរឹងមាំនោះគឺកូនស្រីជាទីស្រឡាញ់តែម្នាក់របស់នាងដែលមានវ័យ ១៩ឆ្នាំហើយ។
ការលើកឡើង ច្បាស់ៗបែបរបស់ កែវ ស្រីនាង ធ្វើឱ្យមហាជនក៏ដូចជាអ្នកគាំទ្រអស់ចិត្ត ខណៈ កន្លងមកមានការសង្ស័យថាប្តីប្រពន្ធមួយគូនេះមានបញ្ហាព្រោះ កែវ ស្រី នាង ងាកទៅបណ្តើរគ្នាជាមួយនារីវ័យក្មេងម្នាក់ថែមទាំងហៅពេញៗមាត់ថា My Love។
រយៈពេល១៩ឆ្នាំ កែវ ស្រីនាង ទទួលបានចំណងដៃកូនស្រីតែម្នាក់ប៉ុណ្ណាះដែល មាន មុខមាត់ ស្រស់ស្អាតបែបកូនកាត់ហើយក៏មាននិស្ស័យស្រឡាញ់ សិល្បៈ ផងដែរ។ ដោយសារធ្លាប់ជាតារាសម្តែងដែលមានប្រជាប្រិយភាពខ្ពស់រហូតមក ដល់សព្វថ្ងៃអ្នកគាំទ្រនៅតែចង់ឱ្យ កែវ ស្រីនាង វិលមកកាន់អាជីពសិល្បៈវិញ ព្រោះសម្រស់របស់នាងក៏នៅតែក្មេងស្អាតមិនមានការប្រែប្រួលអ្វីទេបើទោះវ័យជាង ៤០ឆ្នាំហើយក្តី ។
កែវ ស្រីនាង ធ្លាប់ប្រាប់ថានៅតែស្រឡាញ់សិល្បៈ តែ ដោយសារសុខភាពមិនសូវអំណោយផល ណាមួយក៏មានការងារផ្ទាល់ខ្លួន ដែរ៕
