សិល្បៈ
(ភ្នំពេញ)៖ លោកតាម្នាក់ដែលមានជន្មាយុ ៨២ឆ្នាំ ចង់ជួបសម្តេចតេជោ ហ៊ុន សែន ផ្ទាល់ ដើម្បីជូនវត្ថុបុរាណអាយុកាលជិត៣០០ឆ្នាំមួយទុកជាវត្ថុអនុស្សាវរីយ៍ ជាការអរគុណសម្រាប់ការលះបង់របស់សម្ដេចចំពោះប្រទេសជាតិ ពេលនេះបានសម្រេចបំណងប្រាថ្នារបស់ខ្លួនហើយ។
សម្តេចតេជោ បានស្វាគមន៍យ៉ាងកក់ក្តៅបំផុត ចំពោះលោកតា ទ្រី និងក្រុមគ្រួសារ ដែលបានយកវត្ថុបុរាណដ៏មានតម្លៃជូនសម្តេចទុកជាអនុស្សាវរីយ៍ នៅព្រឹកថ្ងៃទី០៨ ខែកុម្ភៈ ឆ្នាំ២០២៣នេះ ។
ក្នុងឱកាសនោះ លោកតា ទ្រី ដែលរស់នៅសង្កាត់ចោមចៅ រាជធានីភ្នំពេញ បានបង្ហាញក្តីរំភើបរីករាយជាខ្លាំង បានជួបសម្តេចតេជោនាយករដ្ឋមន្ត្រី ដោយលោកតាបានបញ្ជាក់ថា ការប្រគល់ប៉ាន់តែ ដែលជាវត្ថុបុរាណដ៏មានតម្លៃ ជូនសម្តេចតេជោ គឺជាបំណងប្រាថ្នាដ៏ធំមួយសម្រាប់លោកតា ឥឡូវបំណងប្រាថ្នានេះ បានសម្រេចហើយ។
លោកតា ទ្រី ក៏បានសម្តែងក្តីដឹងគុណ និងគោរពស្ញប់ស្ញែងចំពោះការដឹកនាំ និងការបម្រើជាតិមាតុភូមិ មិនខ្លាចការនឿយហត់ ធ្វើឱ្យជាតិមានការរីកចម្រើន និងជួបសុខសន្តិភាពរយៈពេលជាង ៤០ឆ្នាំមកនេះ៕
