√ ទីបំផុត ក្លឹបប្រដាល់លំដាប់អន្តរជាតិ ដែលឧកញ៉ា ស្រី ចាន់ថន បង្កើត បានសម្រេចប្រើឈ្មោះនេះហើយ

សង្គម

អាម៉ាប៉ាប៉ាញ៉ូស

ឧកញ៉ាស្រី ចាន់ថន ក្រោយពីប្រកាសស្ទាបស្ទង់ការគាំទ្រ ក្នុងការបង្កើតក្លឹបកីឡាគុនខ្មែរលំដាប់ថ្នាក់អន្តរជាតិ តាមរយៈការចែករំលែក ចំនួន33k ចែករំលែក (Share) តែបងប្អូនបានចែករំលែករហូតដល់ទៅ 37K ជាងឯណោះ ពេលនេះលោកបានសម្រេចបង្កើតជាផ្លូវការ ដោយប្រើប្រាស់នូវឈ្មោះថា គុនខ្មែរជើងឯកពិភពលោក (Kun Khmer World Champion) ។

នេះបើតាមការបញ្ជាក់ឱ្យដឹងរបស់លោក នៅលើទំព័រហ្វេបុកនៅព្រឹកថ្ងៃទី ១៧ ខែមីនា ឆ្នាំ២០២៣នេះ ។ ក្នុងនោះលោកបានបញ្ជាក់ឱ្យដឹងទាំងស្រុងថា៖

ក្លឹបអន្តរជាតិមួយនេះមានឈ្មោះថា គុនខ្មែរជើងឯកពិភពលោក (Kun Khmer World Champion) ថ្ងៃនេះខ្ញុំសូមជម្រាបបងប្អូនជនរួមជាតិផងដែរថា ក្លឹបកីឡាគុនខ្មែរលំដាប់អន្តរជាតិរបស់យើងបានរត់ឯកសារតាំងពីភូមិ ឃុំ ស្រុក ខេត្ត ប្រធានមន្ទីរ អប់រំ យុវជន និងកីឡា និង សហព័ន្ធកីឡាគុនខ្មែររួចរាល់ហើយ។

ដូច្នេះក្នុងពេលដ៏ឆាប់ខាងមុខនេះ ក្លឹបគុនខ្មែររបស់យើងនឹងលេចរូបរាងហើយ។ មូលហេតុដែលខ្ញុំសម្រេចចិត្តដាក់ឈ្មោះនេះក៏ដោយសារតែខ្ញុំចង់ឲ្យកីឡាគុនខ្មែររបស់យើងក្លាយទៅជាកីឡាកម្រិតពិភពលោក។ ដោយក្លឹបរបស់យើងនឹងនាំកីឡាករបរទេសជុំវិញពិភពលោកមកប្រកួតនៅក្នុងប្រទេសរបស់យើងក៏ដូចជានាំកីឡាកររបស់ខ្មែរយើងទៅប្រកួតនៅក្រៅប្រទេសផងដែរ។

លើសពីនេះទៅទៀត ខ្ញុំបានបង្កើតខ្សែរក្រវ៉ាត់កម្រិតពិភពលោកមួយទៀតដែលបានរួមបញ្ជូលនៅរចនាបថខ្មែរដ៏ល្អឯករួមមាន៖ យ័ន្តប្រាំបីទិស នាគក្បាលប្រាំពីរ ផ្ការំដួល និងចម្លាក់រូបប្រដាល់ក្បាច់គុនល្បុក្កតោខ្មែរ និងចំបាប់។ តើបងប្អូនមានយោបល់បែបណាដែរចំពោះរចនាបថខ្សែរក្រវ៉ាត់អន្តរជាតិមួយនេះ? សូមបងប្អូនធ្វើការខមិននៅខាងក្រោម Post មួយនេះ។