កញ្ញា មាស សុខសោភា មានឈ្មោះហៅក្រៅថា ស្រីអូន កើតនៅថ្ងៃទី២៩ មករា ១៩៨៤ នៅក្នុងខេត្តកំពង់ស្ពឺ មានឪពុកឈ្មោះថា មាស សារឹម អតីតប្រធានមន្ទឺរឧស្សាហកម្មខេត្តកំពង់ស្ពឺ តែទទួលមរណភាពហើយ ម្ដាយមានឈ្មោះថា សុខ វីលន់ ធ្វើការជាមួយឪពុកនាង ។
មានបងប្អូនបីនាក់ សោភាជាកូនតី២ មានបងប្រុសម្នាក់ឈ្មោះ មាស សុខរតនៈ ជាអ្នកគ្រប់គ្រងផលិតកម្មថោន នឹង មានប្អូនប្រុសម្នាក់មានឈ្មោះថា មាស សុខវណ្ណៈដែលជាទាហាន ។ គ្រួសាររបស់សោភា បានផ្លាស់ទីលំនៅក្នុងឆ្នាំ១៩៩០ ដែលកាលនោះមានទឹកជំនន់យ៉ាងធំក្នុងខេត្តកំពង់ស្ពឺ ហើយនាងបានផ្លាស់ទីលំនៅមកខេត្តកណ្ដាល( ព្រែកឯង ) សម្រាប់មាស សុខសោភា ពិតជាលំបាកខ្លាំង ព្រោះពុកនាងទើបតែទទួលមានមរណៈភាព ធ្វើអោយបន្ទុកធ្លាក់ទៅលើម្ដាយនាង នឹង បងប្រុសលោកមាស សុខរតនៈ ។
ដោយសារលោកមាស សុខរតនៈចេះច្រៀងខ្លះៗ ក៏នាំមាស សុខសោភា ដើរច្រៀងតាមរោងការនានា លុះមកដល់ឆ្នាំ២០០០ គ្រួសារមាស សុខសោភា បានផ្លាស់លំនៅម្ដងទៀត គឺមករស់នៅក្នុងរាជធានីភ្នំពេញ។ ដោយសារគ្មានមុខរបរអ្វីជាដុំកំភួន ម្ដាយ មាស សុខសោភា ត្រូវដើររកកាងារធ្វើ រីឯលោក មាស សុខរតនៈ ដើរច្រៀងតាមរោងការដដែល ចំនែក មាស សុខសោភា រៀនបន្ដើរច្រៀងបណ្ដើរ រៀនពេលព្រឹកច្រៀងពេលល្ងាច ។
ហើយក្នុងឆ្នាំ២០០០ដដែលមាន ការប្រលងចម្រៀងនៅស្ថានីយ៍ទូរទស្សន៍មួយ គាត់បានចូលប្រលង នាងមានសំលេងល្អ តែអន់រូបសម្រស់ខ្លាំងពេកនាង ប្រលងមិនជាប់ទេ ព្រោះគេយកទាំងពីរ តែនាងត្រូវបានគេនែនាំអោយទៅច្រៀងក្នុងរង្គសាលមួយ តំលៃ មួយម៉ឺនរៀលក្នុងមួយយប់ ហើយនាងមិនអាចទប់ទល់នឹងជីវភាពនាងបានទេ ព្រោះចំនាយលើសំលៀកបំពាក់ នឹង តុបតែងមុខ ធ្វើអោយពួកគេត្រូវរកកងារបន្ថែម ។
ក្នុងឆ្នាំ២០០៤ នាងបានចូលក្នុងផលិតកម្មស្ទឹងសង្កែ នាងបានច្រៀងបទចម្រៀងចំនួនពីរបទ គឺ អូននឹក នឹកបង នឹង បទចម្រៀងរស់នៅក្បែរបងអូនកក់ក្ដៅ ហើយនាងក៏បានចេញពីផលិតកម្មស្ទឺងសង្កែ ចូលក្នុងកម្មយូធូ ហើយមានបទចម្រៀងល្បីៗដូចជា កូនអត់ខាន់ស្លា ហើយនាងទទួលបានប្រជាប្រិយភាពខ្លាំងមិនធម្មតាក្នុងផលិតកម្មយូធូ តែនាងបានហក់ចូលក្នុងផលិតកម្មអឹម ជាផលិតកម្មដែលរុញនាងអោយឡើងដល់កំពូលបទចម្រៀងល្បីជាច្រើនបទធ្វើអោយនាង ឡើងកូដដូចរន្ទះ បទចម្រៀងមួយពាន់រាត្រីធ្វើអោយនាងលើកពានកំពូលតារាចម្រៀងស្រីក្នុងឆ្នាំ២០០៩ ។ នាងជាតារាចម្រៀងស្រីដូរផលិតកម្មច្រៀងញឹកញាប់ណាស់ ក្រោយមកនាង ចូលច្រៀងក្នុងផលិតកម្មសាន់ដេ ដែលបទចម្រៀងល្បីនាងក្នុងផលិតកម្មក៏មានមិនតិចទេ មុននាងបានចាកចេញ ចូលមកក្នុងផលិតកម្មថោនដែលជាទ្រនំចុងក្រោយ ។ មាស សុខសោភា ធ្លាប់មានរឿងអាស្រូវតែមួយគត់ក្នុងអាជីពចម្រៀងនាង គឺ រូបភាពបឺតមាត់អោយបរឹតជាមួយគូដណ្ដឹងនាង តែមិនបានប៉ះពាល់ដល់អាជីពចម្រៀងនាងឡើយ ហើយគំរោងរៀបការនាងហាក់ស្ងប់ស្ងាតហើយស្ទើរតែគ្មានទាល់តែសោះ ។
អ្វីដែលគួរអោយកត់សំគាល់ មាស សុខសោភា បានប្រកាសជំហរឈប់ច្រៀងបទចម្រៀងចំលងពីបរទេសហើយ ថ្វីត្បិតបទ original song ខ្លះធ្វើអោយនាងមិនសូវល្បីល្បាញខ្លាំងដូចកាលពីមុនតែប្រជាប្រិយភាពនាង មិនបានថមថយឡើយ ហើយតំលៃខ្លួននាង វិញរាប់ពាន់ដុល្លារក្នុងមួយកម្មវិធី នេះមកពីការខិតខំប្រឹងប្រែងរបស់នាងពីមនុស្សស្រីសាមញ្ញាម្នាក់រហូតក្លាយជាកំពូលតារាចម្រៀងល្បីល្បាញម្នាក់ ។ ដកស្រង់ពី ទំព័រភីអ៊ីនធើ
