បើខ្មែរយើងនៅតែទម្លាប់អាក្រក់ចឹង បរិស្ថានល្អ ទីក្រុងស្អាតនឹងលែងមានហើយ

ជិតដល់ពិធីបុណ្យអុំទូក បណ្ដែតប្រទីប និងសំពះព្រះខែហើយ តែនៅតាមបណ្ដាខេត្តមួយចំនួន ក៍មានប្រារព្វធ្វើពិធី អុំទូកដែរ ជាក់ស្ដែងដូចជាខេត្ត កណ្ដាល បាត់ដំបង...តែអ្វីដែលចាប់អារម្មណ៍នោះគឺ ក្រោយពិធីនេះត្រូវបានបញ្ចប់ យើងខ្ញុំសូមនាំប្រិយមិត្ត មកមើលទិដ្ធភាពខេត្ត បាត់ដំបងវិញម្តង ។

ដោយសារបរិស្ថានសំបូរដោយកាកសំណល់ បណ្តាឱ្យគណនីហ្វេសប៊ុកមួយមានឈ្មោះថា San Prum បានរៀបរាប់ថា ÷

"បន្ទាប់ពីបុណ្យអុំទូកប្រចាំខែត្រ បាត់ដំបង ត្រូវបានបញ្ចប់ រូបភាពបែបនេះបានកើតឡើង។ ស្ទើរមួយចម្ហៀងក្រុង បាត់ដំបង គឺមានរូបភាពបែបនេះ។ តើយើងគួររកមធ្យោបាយណាអប់រំជនរួមជាតិយើងពីរបៀបរស់នៅស្អាត និង ប្រសើរជាងនេះ? ជនបរទេសដែលទៅលេងក្រុង បាត់ដំបង បាននាំគ្នាថតរូបអស់ទាំងនេះ ទៅបង្ហាញមិត្តភក្តិគេ ពីរបៀបខ្មែរដើរកម្សាន្តពេលមានបុណ្យទាន។ សុំកប់យោបល់ (...) ទិដ្ឋភាពមួយនៅខេត្ត បាត់ដំបង ថ្ងៃទី ១៧-១០-២០១៦ ម៉ោង ០៦:៤២:១៣"

បរិស្ថានគឺជាអ្វីដែលនៅជុំវិញខ្លួនយើង ដូច្នេះយើងគ្រប់គ្នា មិនគួរបំពុល បរិស្ថានទេ ព្រោះវាជាហេតុដែលនាំឱ្យប៉ះពាល់សុខភាព ម្យ៉ាងវិញបរិស្ថានស្អាតគឺផ្តើមចេញពីយើងគ្រប់គ្នា ។