កាលពីថ្ងៃមុនក្រុមការងាយើងខ្ញុំបានចុះផ្សាយរួចម្តងមកហើយ អំពីកាស្វែងរកជំនួយដើម្បីជួយទារិកាដែលមានភ្នែកឡើងបាយ រហូតទទួលបានការសង្គ្រោះពី លោក ឧកញ៉ាសប្បុរសធម៍ពីររូប គឺ លោក ឧកញ៉ា ឌួង ឆាយ និង លោក ឧកញ៉ា ហុង ពីវ ។
ស្របជាមួយនឹងករណីនេះក៍មានកាចែករំលែកជាបន្តបន្ទាប់ក្នុងបណ្តាសង្គមហ្វេសប៊ុកអំពីបងប្អូនពីរនាក់ដែលឡើងភ្នែកបាយនៅខេត្តកណ្តាល ។
ខាងក្រោមនេះគឺជាពាក្យប្រកាសស្វែងរកជំនួយពី សម្តេចតេជោ ហ៊ុន សែន ដើមជួយសង្គ្រោះ ÷
អភ័ព្វណាស់! កើតជំងឺភ្នែកតាំងពីកំណើត២នាក់បងប្អូន គ្រួសារកំពុងអំពាវនាវ ឲ្យសម្ដេចតេជោ និងសម្បុរជន ជួយដល់ការវៈកាត់ (កណ្ដាល)៖
ក្មេងអភ័ព្វ២នាក់បងប្អូនបង្កើតនឹងគ្នា កើតមកមានជំងឺភ្នែកជាប់នឹងខ្លួន ពេលនេះកំពុងអំពាវនាវរកសម្បុរសជនឲ្យជួយ ជាពិសេស សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដើម្បីរកថវិកាក្នុងការវៈកាត់ ព្រោះគ្រួសារនេះ មិនមានប្រាក់គ្រប់គ្រាន់នោះទេ ពេលខ្លះសឹងតែគ្មានលុយទិញម្ហូបប្រចាំថ្ងៃផង។ គ្រួសារអភ័ព្វនេះ រស់នៅភូមិបាត់តាជី ឃុំព្រែកហូរ ក្រុងតាខ្មៅ ខេត្តកណ្ដាល។
ម្ដាយរបស់ក្មេងអភ័ព្វ ឈ្មោះ ឈិន ថារី អាយុ៣០ឆ្នាំ និងឪពុកឈ្មោះ ឌួង សំណាង អាយុ៣៨ឆ្នាំ មុខរបរជាលក់ផ្កា បានប្រាប់ឲ្យដឹងថា កូនរបស់គាត់ទាំង២នាក់នេះ ទី១-ជាកូនស្រី ឈ្មោះ ឌូង បញ្ញា អាយុ១៤ឆ្នាំ និងទី២-ជាកូនប្រុស ឈ្មោះ ឌួង លីហៀង អាយុ២ឆ្នាំ មានជំងឺភ្នែកតាំងពីកំណើតមកម្ល៉េះ ហើយគាត់ធ្លាប់បានយកកូនទៅបកភ្នែក រួចមកហើយ ប៉ុន្ដែមិនជានោះទេ។
គាត់បន្ថែមថា គ្រូពេទ្យ បាននិយាយថា «ប្រសិនបើចង់ឲ្យភ្នែកកូនរបស់ខ្ញុំ ដូចជាមនុស្សធម្មតាវិញ ទាល់តែធ្វើការវៈកាត់ ហើយការវៈកាត់នេះ ត្រូវចំណាយលុយច្រើនណាស់ ព្រោះភ្នែកមួយគ្រាប់តម្លៃ ២,០០០ដុល្លារ ឯណោះ ដូច្នេះខ្ញុំមិនមានលុយ ក្នុងការវៈកាត់នោះទេ ដោយពេលខ្លះសឹងតែរកលុយទិញម្ហូបមិនបានផង»។
ម្ដាយឪពុកក្មេងកំសត់ បានបញ្ជាក់ទៀតថា កូនរបស់គាត់មិនអាចទៅរៀនបាននោះទេ ក៏ព្រោះតែភ្នែកមើលមិនឃើញ ហើយគាត់ពិបាកចិត្តខ្លាំងណាស់ មិនដឹងរកអ្នកណាឲ្យជួយបាននោះទេ ហើយពេលនេះគាត់សំពះ អង្វរ រកសម្បុរជន ជាពិសេស សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ឲ្យជួយដល់គ្រួសារ ដ៏អភ័ព្វរបស់គាត់ផង។ បើសប្បុរសជនណាមានទឹកចិត្តជួយសង្គ្រោះក្មេងទាំង២នាក់អាចទាក់ទងមកលេខទូរស័ព្ទ 070 999 015៕
ដូច្នេះសូមប្រិយមិត្តអ្នកអានមេត្តាជួយសៀរដោយក្តីអនុគ្រោះ ដើម្បីជំរួញឱ្យដំណឹងនេះបានដឹងឮដល់សម្តចផង ។
