កន្លងទៅថ្មីៗនេះ កាលពី ព្រះរាជពិធីបុណ្យអុំទូក អកអំបុក និង សំពះព្រះខែ លោកតា ណង សាម៉ុន បានយកជំពាមដែលគាត់ធ្វើ ទៅដាក់លក់ ក្នុងកម្មវិធី រហូតអស់ ដល់២០ដើម តែត្រូវសមត្ថកិច្ច ហាមឃាត់មិនឲ្យលក់ ព្រោះខ្លាចក្មេងទំនើង យកជំពាមនោះប្រើប្រាស់ នាំឲ្យមានគ្រោះថ្នាក់។
តែសម្រាប់ថ្ងៃនេះ លោកតាបានផ្លាស់ប្ដុរមុខរបរ មកជិះកង់ដើរលក់ កន្រ្តៃ ខ្នោសកោសដូងវិញម្ដង អ្វីដែលជាភ័ព្វសំណាង ត្រូវបានជួបព្រះសង្ឃមួយអង្គដែល មានចិត្តសប្បុរសធម៍ បានជួយឧបត្ថម្ភ ជាបច្ច័យ ខ្លះៗ ។
ខាងក្រោមនេះជាខ្លឹមសារទាំងស្រុងរបស់គណនី Ny Sovanmunyreth ÷
" ក្នុងព្រឹកនេះ ខ្ញុំព្រះករុណាអាត្មាភាព នី សុវណ្ណ មុនីរ៉េត គង់នៅ វត្តនាគវ័ន្ត កុដិលេខ ២៤ ដោយសេចក្តីអាណិតអាសូរ ដល់លោកតា ជិះកង់ដើរលក់ កន្រ្តៃ ខ្នោសកោសដូង ដើម្បីចញ្ចឹមជីវិត ដោយលោកតា មានឈ្មោះ ណង សាម៉ុន អាយុ ៧០ឆ្នាំ រស់នៅក្នុងភូមិ សំបូរ ឃុំសំបូរ ស្រុកសំបូរ ខេត្តក្រចេះ ។👉 បច្ចុប្បន្ន ស្នាក់នៅ ក្នុងវត្តថាន់ !"
