ភ្នំពេញ៖ ពិតណាស់រឿងរ៉ាវក្នុងសង្គម មានការវិវត្តន៍ប្លែកៗនិងកាន់តែច្រើនដោយសារ តែមនុស្សមួយចំនួនយកឋានៈ,អំណាច,លុយ, និងគ្រឿងស្រវឹងមកបាំងមុខ ធ្វើអំពើប្រាស់ចាកពីច្បាប់ក្នុងសង្គម។ រឿងរ៉ាវខាងក្រោមនេះបញ្ជាក់ឲ្យឃើញថា លោកឪពុកម្នាក់ ព្រោះតែកូនត្រូវប្រឈមនិងច្បាប់សុខចិត្តទ្រហោយំ បង្ហោះលើសង្គម Facebook ធ្វើឲ្យម្នាក់ៗហួសចិត្ត មិនតែប៉ុណ្ណោះ ទៅជាគំរាមនិងច្បាប់ បើជួយកូនមិនបានសុខចិត្តសម្លាប់ខ្លួនទៀតផង។
ក្រោយទទួលព័ត៌មានឪពុកក្មេងស្ទាវចង់ សម្លាប់ខ្លួននោះ លោកបានបញ្ជាឲ្យកម្លាំងសមត្ថកិច្ចពង្រាយ និងយាមចាំគោលដៅស្ពានជ្រោយចង្វា ខ្លាចជនរងគ្រោះទៅលោតទឹកសម្លាប់ខ្លួន។
រឿងរ៉ាវដ៏កក្រើកក្នុងបណ្តាញសង្គម រវាងក្មេងស្ទាវមានជម្លោះជាមួយ ឧត្តមសេនីយ៍ឯក នន្ទ សុខា មេបញ្ជាការរង អាវុធហត្ថលើផ្ទៃប្រទេស កាលពីយប់ម្សិលមិញ រហូតដល់រសៀលថ្ងៃទី១៩ ខែវិច្ឆិកា ឆ្នាំ២០១៦ នៅមិនទាន់ដោះស្រាយបញ្ចប់នៅឡើយទេ, ប៉ុន្តែនៅរសៀលម្សិលមិញនេះ ឪពុករបស់ក្មេងស្ទាវដែលមានជម្លោះជាមួយ ឧត្តមសេនីយ៍ឯក នន្ទ សុខា មេបញ្ជាការរងអាវុធហត្ថលើផ្ទៃប្រទេស បានផ្ញើសារទៅកាន់ប្រពន្ធរបស់គាត់ថា «នឹងសម្លាប់ខ្លួន បើអនុគ្រោះឲ្យកូនគាត់មិនបាន»។
ឪពុករបស់ក្មេងស្ទាវដែលមានទំនាស់ជាមួយឧត្តមសេនីយ៍ផ្កាយ៣ បានបង្ហោះតាម Facebook ថា នឹងទៅសម្លាប់ខ្លួនដោយបាននិយាយថា «ខ្ញុំតូចចិត្តខ្លួនខ្ញុំណាស់ ទុក្ខប៉ុណ្ណាដែលធ្វើបាបកូនខ្ញុំ ទុក្ខប៉ុណ្ណាក៏ខ្ញុំទទួលដែរ ខ្ញុំជួយអ្នកជំងឺរាប់ពាន់ ខ្ញុំគ្មានបានអ្វីពីអ្នកជំងឺទេ ជំងឺជេរម៉ែក៏ខ្ញុំមានដែរ តែខ្ញុំមិនយកទោសពៃអ្វីទេ ហេតុអ្វីអនុគ្រោះឲ្យកូនខ្ញុំមិនបាន»។
«ប្រហែលបាត់ខ្ញុំ ពីព្រោះខ្ងុំធ្វើប៉ាកូនៗមិនបានល្អ ប៉ាដើរសុំទោសគេ ឲ្យលោកដាក់ទោសខ្ញុំមកពីព្រោះកូនខ្ញុំពិតជាខុសហើយ »៕
ផ្ដល់សិទ្ធិដោយ៖ VD7News.com
