ថ្មីៗនេះមានការភ្ញាក់ផ្អើលមួយបានកើតឡើងនៅខេត្ត ពោសាធិ៍ ដោយសារតែមានជនខិលខូចម្នាក់ បានបន្លំខ្លួនធ្វើជាព្រះសង្ឃវៀតណាម ។ នេះបើយោងតាមប្រភពគណនីហ្វេសប៊ុក លឹម សួស្តី បានរៀបរាប់ថា ÷
" កម្លាំងនគរបាលក្រុងពោធិ៍សាត់ សហការជាមួយ មន្ត្រីធម្មការខេត្ត បានធ្វើការឃាត់ខ្លួនជនកំហូចម្នាក់ ដែលបន្លំខ្លួនធ្វើជាព្រះសង្ឃវៀតណាម ដើរបិណ្ឌ បាត្រ និងស្នាក់នៅក្នុងផ្ទះសំណាក់យីហោ គឹម ម៉េង ស្ថិតក្នុងភូមិស្ពានថ្ម សង្កាត់រលាប ក្រុងពោធិ៍សាត់ ខេត្តពោធិ៍សាត់ ។
សមត្ថកិច្ចនគរបាលក្រុងបានប្រាប់ឲ្យដឹងថា អំពើបាប ខាងលើនេះ ប្រព្រឹត្តឡើងកាលពីថ្ងៃទី១៨ ខែវិច្ឆិកា ឆ្នាំ២០១៦ ដែលជនសង្ស័យនោះមានឈ្មោះ គង់ អាយុ ៥២ឆ្នាំ រស់នៅស្វាយស៊ីសុផុន ជាង៨ឆ្នាំមកហើយ មាន ស្រុកកំណើតនៅកម្ពុជាក្រោម ហើយធ្លាប់រស់នៅ ប្រទេសអូស្ត្រាលី ។
បន្ទាប់ពីប្រជាពលរដ្ឋមានការងឿងឆ្ងល់ថា ជនសង្ស័យ នោះម្តងជិះម៉ូតូស្លៀកពាក់ខោអាវធម្មតា ហើយទើប តែពីរបីថ្ងៃនេះមានពាក់ស្បង់ចីវរឈើច្រត់ និងមួក ភិន ភាគដូចព្រះសង្ឃ ។ វៀតណាមបានរាយការណ៍មកអាជ្ញាធរ រួចមកព្រះសង្ឃ កិច្ចកោសល យ៉ែម ហន ព្រះរាជាគណៈថ្នាក់កិត្តិយស និងជាព្រះមេគណខេត្តពោធិ៍សាត់ មន្រ្តីសង្ឃ និងមន្ត្រី ធម្មការខេត្ត បានពិនិត្យព្រះឆាយាល័ក្ខណ៍ទើបដឹងថា ជនសង្ស័យនោះ មិនមែនជាព្រះសង្ឃពិតប្រាកដទេ ក៏ សម្រេចបកស្បង់ចីវរចេញ ហើយប្រគល់ឲ្យសមត្ថកិច្ច យកទៅចាត់ការតាមនីតិវិធី ។
ជាមួយគ្នានោះ លុយដុល្លារពិតប្រាកដ របស់ជន សង្ស័យដែលផ្គើនហែកចោលនៅមុខសមត្ថកិច្ច ក៏ត្រូវប្រគល់ជូនឲ្យជនសង្ស័យរក្សាទុកវិញផងដែរ ៕"
