ប្តីប្រពន្ធស្រលាញ់គ្នាលួចលាក់រហូតបានកូន១មួយគូ ត្រូវបានលោក ឧកញ៉ា ម៉ុង ឫទ្ធី ចេញមុខរៀបចំផ្សំផ្គុំ ដោយចំណាយប្រាក់២០៥ដុល្លារ និងជ្រូកមួយក្បាល និងបានឲ្យគេទៅតាមហៅខាងប្រុសយកមកសេនព្រេនវិញ បន្ទាប់ពីភាគីខាងបុរសរត់គេចខ្លួនព្រោះតែភ័យពេក។
បង្ហោះសំណេរលើបណ្តាញសង្គមហ្វេសប៊ុកនៅមុននេះបន្តិច នាល្ងាចថ្ងៃទី២៣ ខែធ្នូ ឆ្នាំ២០១៦នេះលោក ឧកញ៉ា ម៉ុង ឫទ្ធី បានសរសេរថា "មកចូលរួមក្នុងពិធីសែនព្រេនផ្សំផ្គុំ ដែលបានលួចស្រឡាញ់គ្នារហូត ដល់បានកូនស្រីមួយ ខាងប្រុសភ័យខ្លាចពេករត់គេចខ្លួន ខ្ញុំបានអោយចាស់ទុំហៅរកយកមកផ្សំផ្សំផ្គុំកុំអោយបែកបាក់គ្នា ប្តីឈ្មោះ ហេង មីន អាយុ២២ឆ្នាំ ប្រពន្ធឈ្មោះខ្វៀន សាគូអាយុ១៧ឆ្នាំ កូនស្រីទើបនឹងកើតបាន១៩ថ្ងៃ"
ដោយឡែកក្នុងការចំណាយវិញលោកបានសរសេរបន្តថា" ចំណាយទៅលើកម្មវិធីនេះអស់ទឹកប្រាក់សរុបចំនួន ៨២០.០០០៛ = 205$ នឹងជ្រូកមួយក្បាល នេះដោយសារតែអ្នកចម្រៀងទាំងពីរនាក់ នេះជួយច្រៀងមិនទួលយកកម្រៃ។ ក្នុងនាមរូបខ្ញុំនឹងភរិយាសូមថ្លែងអំណរគុណយ៉ាងជ្រាលជ្រៅបំផុត ដល់ភ្ញៀវកិត្តិយសទាំងអស់ដែលបានមកចូលរួម"៕
