√ នេះហើយ !! ជីវិតជាទុរគតជន ខ្ទមធ្លាប់ផ្ដល់ភាពកក់ក្ដៅ ឥឡូវនេះ ប្រល័យដោយភ្លើង សល់តែជីវិត៥នាក់ គួរឲ្យសង្វេគ

ខេត្តពោធិ៍សាត់៖ កាលពីវេលាម៉ោង១៤និង៤៥នាទីថ្ងៃទី១១ធ្នូ២០១៦នេះ ស្ថិតនៅភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់។ ដោយមានហេតុការណ៍អគ្គីភ័យមួយបានកើតឡើង បំផ្លាញផ្ទះខ្ទម គ្រួសារកំសត់ ដែលមានម្ចាស់ឈ្មោះ ជា ហួន អាយុ ៥៥

ឆ្នាំភេទស្រី ជនជាតិខ្មែរ មានកូនចំនួន២នាក់ និងចៅ ៣នាក់សរុប៥នាក់ក្នុងបន្ទុក ស្រី២នាក់,ទីលំនៅបច្ចុប្បន្ននៅភូមិ ឃុំកើតហេតុខាងលើ។

យោងតាមការរៀបរបពីស្ត្រីជាជនរងគ្រោះឲ្យដឹងថា គាត់គ្មានអ្វីជាទីពឹងទៀតទេ ព្រោះខ្ទមធ្លាប់អាស័យជាជម្រកដ៏កក់ក្ដៅត្រូវបានបំផ្លិចបំផ្លាញដោយភ្លើងអស់ទៅហើយ..
គាត់បន្តថា ខ្ទមរបស់គាត់ មានបណ្តោយប្រវែង៦x៤ម៉ែត្រ សសរប្រឡៅមូល ដំបូលប្រកស្លឹក ជញ្ជាំងស្លឹក រនាបក្រាលឫស្សី គាត់បញ្ជាក់ថា មូលហេតុដែលបណ្ដាលឲ្យឆេះនេះ គឺភ្លើងចង្ក្រានដាំបាយរួចមិនបានពន្លត់គឺជាការធ្វេសប្រហែសរបស់គាត់ពិតជាសោកស្ដាយណាស់។

ស្ត្រីខាងលើបន្តទៀតថា ឆេះក្នុងរយ:ពេលតែ ១០នាទីប៉ុណ្ណោះអស់រលីង សូម្បីតែអ្នកជិតខាងនិងសមត្ថកិច្ចមកជួយ ក៏ជួយមិនទាន់ដែរ ដោយសារ សម្ភារៈគឺ ស្លឹកនិងឫស្សី ទើបឆេះលឿនបែបនេះ។

សំភារ:ដែលឆេះអស់រួមមាន សៀវភៅស្នាក់នៅ ក២ សំបុត្របញ្ជាក់កំណើត ៦សន្លឹក អត្តសញ្ញាណប័ណ្ណសញ្ជាតិខ្មែរ ៣សន្លឹកនិងចាន,ឆ្នាំង មុង ភួយ អង្ករ បន្តិចបន្តួចទុកដាំបាយស្អែកឡើងនេះ លុយកាក់គ្មានទេ៕