√ គួរឲ្យអាណិតណាស់! ប្អូនស្រីកើតមហារីកដុះសាច់លើស្មាទម្ងន់៥គីឡូកំពុងដង្ហោយសុំឲ្យឧកញ៉ា ឌួង ឆាយ ជួយ

ហេតុតែចង់រស់រៀនមានជីវិតបន្តប្អូនស្រីអាយុ១៤ឆ្នាំមួយរូបឈ្មោះ លន់ ផាលិកា បានសរសេរនៅលើគណនីហ្វេសប៊ុករបស់ប្អូនដែលមានឈ្មោះ (Daisykah) ដើម្បីសុំឲ្យលោកឧកញ៉ា ឌួង ឆាយ ជួយក៏ដូចជាជ្រោមជ្រែងព្រោះជំងឺមហារីកដុះសាច់លើស្មារបស់ប្អូនស្រីកាន់តែរីកធំទៅៗ ហើយម្ដាយរបស់ប្អូនពុំមានលទ្ធភាពព្យាបាលបន្តនោះទេទើបសម្រេចចិត្តសរសេរសុំឲ្យលោកឧកញ៉ាជួយយ៉ាងដូច្នេះ។

យ៉ាងណាមិញ ជាមួយនឹងការរៀបរាប់ពីទុក្ខសោកនិងក្ដីអស់សង្ឃឹមដ៏ក្រៀមក្រំនេះ ប្អូនស្រីបានសរសេរជាសំណេរថា "ជម្រាបសួរលោកឧកញ៉ា ឌួង ឆាយ នាងខ្ញុំឈ្មោះ លន់ ផាលិកា អាយុ១៤ឆ្នាំ កំពុងមានជំងឺមហារីកដុំសាច់៥គីឡូនៅលើស្មាហើយប្អូនជាក្មេងកំព្រាឪពុកទើបតែស្លាប់ ហើយពេលនេះអ្នកម្ដាយដែលជាមេគ្រួសារអស់សមត្ថភាពបន្តយកប្អូនទៅព្យាបាលហើយព្រោះតែជីវភាពទីទាល់ក្របង្ខំចិត្តអោយប្អូនលើកដៃសុំក្ដីអាណិតមេត្តាពីលោកឧកញ៉ា ព្រោះប្អូនពិតជាចង់រស់រាននៅជាមួយម្ដាយនឹងបងប្អូន ប្អូនចង់ទៅរៀនដូចគេ សូមលោកឧកញ៉ាជួយដល់ប្អូនផង ប្អូនសូមជូនពរលោកឧកញ៉ាមានសុខភាពល្អ ជម្រាបលាលោកឧកញ៉ាសូមបងប្អូនក្នុងហ្វេសប៊ុកទាំងអស់ជួយបន្តដើម្បីបានដល់លោកឧកញ៉ា ជួយដល់ជីវិតប្អូនផង"។

ទន្ទឹមនេះបើសិនជាបងប្អូនឫសប្បុរសជនទាំងឡាយណាដែលមានបំណងចង់ជួយប្អូនស្រីអាចទំនាក់ទំនងទៅកាន់លេខទូរស័ព្ទម្ដាយរបស់ប្អូនស្រីផ្ទាល់តែម្ដង 070 739198 បច្ចុប្បន្នប្អូនស្រីកំពុងសម្រាកព្យាបាលនៅមន្ទីរពេទ្យមិត្តភាពខ្មែរសូវៀត អាគារជំងឺមហារីក បន្ទប់លេខ108 គ្រែA៕

ប្រភព៖ FB ប្អូនស្រី