√ រវល់តែឌឺដងចាប់គូបញ្ជល់ ភ្លេចមើលក្រោយ ស្រាប់តែសមត្ថកិច្ចឡោមព័ទ្ធជិត

ខេត្តកំពត៖ កម្លាំងកងរាជអាវុធហត្ថខេត្តកំពត ដែលដឹកនាំដោយ លោកវរសេនីយ៍ទោ ហែម ចាន់ដារ៉ា មេបញ្ជាការង និងជាប្រធានមន្ទីរយុត្តិធម៌ នៃទីបញ្ជាការដ្ឋានកងរាជអាវុធហត្ថខេត្ត និងមានការសម្របសម្រួលនិតិវិធីពី លោក ម៉ុត ដារ៉ា ព្រះរាជអាជ្ញារង អមសាលាដំបូងខេត្តផងនោះ ទើបកម្លាំងកងរាជអាវុធហត្ថបើកប្រតិបត្តការណ៍បង្ក្រាបល្បែងស៊ីសងបក្សីកីឡាមួយកន្លែង ដែលស្ថិត នៅចំណុចភូមិគីឡូ១២ ឃុំកោះតូច ស្រុកទឹកឈូ ខេត្តកំពត។

ទាក់ទងករណីបង្ក្រាបល្បែងស៊ីសងបក្សីកីឡានេះដែរ លោកវរសេនីយ៍ទោ ហែម ចាន់ដារ៉ា មេបញ្ជាការរងនិងជាប្រធានមន្ទីរយុត្តិធម៌នៃបញ្ជាការដ្ឋានកងរាជអាវុធហត្ថ បានមានប្រសាសន៍ប្រាបភ្នាក់ងារ VD7NEWS យើងថា នៅវេលាម៉ោង១៥និង៣០នាទីថ្ងៃទី១០ខែធ្នូ ឆ្នាំ២០១៦ កម្លាំងកងរាជអាវុធហ្ថរបស់លោក បង្ក្រាបបានភ្លាមៗនៅនឹងកន្លែងនិង ឃាត់ខ្លួនមនុស្ស៤នាក់
ទី១- ឈ្មោះ សេង ធាម ភេទប្រុសអាយុ៣៦ឆ្នាំ
ទី២- ឈ្មោះភន ជួង ភេទប្រុស អាយុ៥៦ឆ្នាំ មុខរបរលក់ប្រហិត អ្នកទាំងនេះរស់នៅភូមិ គីឡូ១២ ឃុំកោះតូច ស្រុកទឹកឈូ ខេត្តកំពត។
ទី៣- ឈ្មោះសុិន សុធា ភេទប្រុសអាយុ ៣៧ឆ្នាំ រស់នៅភូមិព្រែកអំពិល ឃុំ កោះតូច ស្រុកទឹកឈូ ខេត្តកំពត។
ទី៤- ឈ្មោះនួន រ៉ាង ភេទប្រុស អាយុ២៥ឆ្នាំ រស់នៅភូមិថ្មី ឃុំកោះតូច ស្រុកទឹកឈូ ខេត្តកំពត។ ឃាត់ខ្លួនបុរសទាំង៤ នោះរួមនឹងវត្ថុតាងមួយចំនួនគឺ៖
-ទី១មាន់រស់ដែលជាបក្សីកីឡានោះចំនួន៥ក្បាល
-ទី២ ស៊ុមក្រុងមាន់ធ្វើពីឬស្សី ចំនួន១០
-ទី៣កន្ត្រកមាន់មានចំនួន០៨
-ទី៤ជញ្ចីងថ្លឹងមាន់ចំនួន១
-ទី៥ បង់រុំចំនួន៩ដុំ
-ទី៦ ខ្សែពួរព័ទ្ធសង្វេនមាន់ចំនួន១ដុំ
-ទី៧ ឈើបង្គោល ចំនួន៣ដើម
-ទី៨ ម៉ូតូអាសង់សេ១២៥ពណ៍ខ្មៅសេរី២០១៣មួយគ្រឿងមានស្លាក់លេខកំពត1G-3110
និងម៉ូតូអាសង់សេ១០០កូរ៉េ ពណ៍ក្រហមអត់ស្លាក់លេខមានតែលេខម៉ាស៊ីនet100E 1863934។

គួរលឹកផងដែលថាករណីបង្ក្រាបនេះ ស្របពេលដែលប្រជាពលរដ្ឋជិតខាងយល់ឃើញថា ការលួចលេងល្បែងស៊ីសងប្រជល់មាន់ បានធ្វើអោយបះពាល់សង្គមជាតិនិងអំពើហឹង្សាក្នុងគ្រួសារផ្សេងៗ។

ជាពិសេសនោះ និងបះពាល់ដល់ភូមិឃុំមានសុវត្ថិភាព
បច្ចុប្បន្នជនសង្ស័យញៀនល្បែងស៊ីសង ទាំង៤នាក់រួមនិងវត្ថុតាងត្រូវបានកម្លាំងកងរាជអាវុហត្ថនៃមន្ទីរយុត្តិធម៌ឃាត់ខ្លួននិងរក្សាទុកក្នុងទីបញ្ជាការដ្ឋានកងរាជអាវុធហត្ថខេត្តកំពត។ ដើម្បីចាត់ការតាមនិតិវិធីច្បាប់៕ ដោយ៖ ហង្ស សុភាព