ខេត្តកណ្ដាល៖ កាលពីវេលាម៉ោង២០និង០០នាទីថ្ងៃទី១០ធ្នូ២០១៦យប់មិញនេះ នៅចំណុចរោងការកូនរបស់ ឈ្មោះ ឡាញ ហេន ភូមិពោង ឃុំបួរមាស ស្រុកមុខកំពូល ខេត្តកណ្ដាល។ បង្កឡើងដោយបុរសជាជនសង្ស័យម្នាក់ឈ្មោះរៀម ហ៊ុល ភេទប្រុស អាយុ៤៧ឆ្នាំ មុខរបរកសិករ នៅភូមិពោង ឃុំសំបួរមាសស្រុក
មុខកំពូល ខេត្តកណ្ដាល (ឃាត់ខ្លួនបាន)ដកហូតពូថៅ ចំនួន ១ដើម, ខណៈជននេះបានព្យាយាមកាប់ទៅលើជនរងគ្រោះ
ឈ្មោះប៉ាង ពឿន ភេទប្រុស អាយុ៥៣ឆ្នាំ មុខរបរនគរបាល ប៉ុស្តិ៍ សំបួរមាស នៅភូមិពោង ឃុំសំបួរមាស ស្រុកមុខកំពូល ខេត្តកណ្ដាល។
យោងតាមប្រភពពីកន្លែងកើតហេតុឲ្យដឹងថា មុនពេលកើតហេតុនៅវេលាម៉ោង១៧:៣០នាទីលោកនាយប៉ុស្ដិ៍បានចាត់តាំងឲ្យជនរងគ្រោះនិងលោកវ៉ែន ភាច មន្ត្រីប៉ុស្តិទៅការពារសន្តិសុខពិធីមង្គលការកូនរបស់ឈ្មោះឡាញ់ ហេន នៅកន្លែងកើតហេតុខាងលើ។លុះដល់ម៉ោងកើតហេតុ ជនរងគ្រោះកំពុងធ្វើចរាចរណ៍តែដោយសារ ម៉ូតូច្រើន ភ្ញៀវស្រវឹងផង បានបើកម៉ូតូកៀរក្មេងនៅក្បែររោងការ ស្រាប់តែជនសង្ស័យកាន់ពូថៅនៅដៃមកកាប់ជនរងគ្រោះពីក្រោយមួយពូថៅត្រូវចំក្បាលពីលើបណ្ដាលឲ្យរយះហូរឈាមជោគ ព្រោះខឹងធ្វើចរាចរណ៍មិនបានល្អ។ ក្រោយកើតហេតុកម្លាំងប្រជាការពារនិងប្រពន្ធជនរងគ្រោះ នាំគ្នាយកជនរងគ្រោះមកមណ្ឌលសុខភាពឃុំសំបួរមាសដើម្បីធ្វើការង្គ្រោះបន្ទាន់ដោយ(ដេរ៤ថ្នេរ)។
ជនសង្ស័យសមត្ថកិច្ចកម្លាំងប្រជាការពារ ចាប់ឃាត់បញ្ជូនមកប៉ុស្ដិ ដើម្បីបន្តចាត់ការតាមនីតិវិធី៕
ផ្ដល់សិទ្ធិដោយ៖VD7News.com