√ ហេតុអ្វីបងចិត្តម៉្លេះ ?? ដល់ថ្ងៃការយើងហើយ..ម្ដេចឡើយបងមិនអាសូរទ្រូង !!

ភ្នំពេញ៖ បងសម្លាញ់ចិត្តអូន អូនជិតបានហៅបងថា ប្ដីសម្លាញ់ហើយថ្ងៃនេះជាថ្ងៃយើងទាំង២នាក់ត្រូវចូលរោងជ័យតែមិនដឹងថាបងរវល់ទៅណាបានជាអូនមិនឃើញបងមក បងបានប្រាប់អូនថាបងរងចាំថ្ងៃនេះយូរហើបងចង់ឲ្យដល់ឆាប់ៗឥឡូវ តើបងនៅឯណា? ពាក្យសន្យាជាច្រើនរបស់បងចំពោះអូន អូនចាំមិនភ្លេចទេថាពេលរៀបការហើយយើងធ្វើអ្វីខ្លះ? យើងបោកខោអាវជាមួយគ្នា លាងចានជាមួយគ្នា ដាំបាយធ្វើម្ហូបជាមួយគ្នា ទៅណាមកណាជាមួយគ្នា បងមិនទុកអូនចោលម្នាក់ឯងទេ បងនឹងចងសក់ឲ្យអូន បងនឹងលាបលេឲ្យអូន បងនឹងជូនអូនដើលេង អូនចង់បានអីប្រាប់បងមកបងរកឲ្យអូន យើងនឹងសន្សំលុយធ្វើផ្ទះនៅជាមួយគ្នា បងនឹងសន្សំលុយទិញឡានឲ្យអូនជិះមិនឲ្យអូនជិះម៉ូតូក្ដៅទេ នៅច្រើនទៀតសុទ្ធតែថាចាំរៀបការហើយ៥ខែធ្នូឆ្នាំ២០១៦ គឺជាថ្ងៃដែលយើត្រូវរៀបអាពាហ៍ពិពាហ៍របស់យើងតែហេតុអ្វីព្រហ្មលិខិតធ្វើបាបខ្ញុំម្លេះជួបហើយព្រាត់ទាំងអាល័យ តើអ្នកណាជាអ្នកកំណត់? ប្រាប់ខ្ញុំបានទេ អនុស្សាវរីយ៍ហាក់បីដូចនៅថ្មីៗ ស្នាមញញឹមដ៏ស្រស់របស់បងនៅជាប់នឹងកែវភ្នែកអូន សម្លេងសើចដ៏ពិរោះរបស់បងស្ថិតនៅជាប់នឹងត្រចៀកអូន គ្រប់សកម្មភាពរបស់បងវានៅដាមជាប់អូនជានិច្ច តើពេលណាអូនអាចបំភ្លេចបងបាន បងសម្លាញ់ យើងជិតក្លាយជាប្ដីប្រពន្ធនឹងគ្នាហើយ ទោះបីយើងមិនបានរៀបការនឹងគ្នាមែនតែអូនសុំហៅបងថាប្ដីសម្លាញ់ចាប់ពីពេលនេះតទៅ។ ប្ដីល្អរបស់អូន អូននៅតែស្រលាញ់បង ជាតិក្រោយអូនផ្សងជូបបងជាប្ដីប្រពន្ធឲ្យបាន កុំឲ្យគេមកពង្រាត់បងចេញពីបែបនេះទៀតអី អូនរស់ពិបាកជាងស្លាប់ទៅទៀត។

អូនស្រលាញ់បងខ្លាំណាស់ បងម៉ាប់របស់អូន ហេង ចំរើនតើអូនអាចរស់បានដល់ពេលណាបងសម្លាញ់? គេរាល់គ្នារៀបការបាន ចុះហេតុអ្វីខ្ញុំមិនអាចរៀបការបានដូចគេ? ខ្ញុំស្អប់ពិភពលោកនេះណាស់ អូនឈប់ស្រលាញ់បងទៀតហើយ ព្រោះបងដាច់ចិត្តទៅចោលអូន បងទៅណាទៅៗអូនមិនស្រលាញ់បងទៀតទេបងសម្លាញ់ បងទៅឲ្យសុខចុះ ពេលអូនដឹងថាបងសុខអូនក៏សុខដែរ មនុស្ស ចិត្តដាច់ ៕