ខេត្តស្ទឹងត្រែង៖ កាលពីថ្ងៃទី២០ធ្នូ ២០១៦នេះ ដោយសមត្ថកិច្ចបានចាប់បញ្ជូនជនល្មោភកាមម្នាក់ ទៅតុលាការខេត្ត ដើម្បីចាត់ការតាមនីតិវិធីច្បាប់ ក្រោយពីបានគំរាម និងចាប់រំលោភកូនស្រីចុងបានសម្រេចជាង១០ដង។ បើយោងតាមពាក្យបណ្តឹង របស់ម្តាយកុមារីរងគ្រោះឈ្មោះ គូ ប៊ូខៃ អាយុ៣៤ឆ្នាំ កាលពីថ្ងៃទី១៩ ខែធ្នូ សមត្ថកិច្ចបានចុះទៅ ឃាត់ខ្លួនភ្លាមៗផងដែរ បញ្ជូនទៅស្នងការដ្ឋាននគរបាលខេត្ត ដើម្បីសួរនាំ ។
ប្រភពឲ្យដឹងថា ជនសង្ស័យជា(ឪពុកចុង) ដែលឃាត់ខ្លួនខាងលើឈ្មោះ ចាយ ចៅនី រស់នៅភូមិស្តៅ១ ឃុំស្តៅ ស្រុកសេសាន ខេត្តស្ទឹងត្រែង ។ ចំណែកកុមារីរងគ្រោះឈ្មោះ ថ.ស.ណ អាយុ១១ឆ្នាំ រស់នៅភូមិជាមួយគ្នា ។
យោងតាមការលើកឡើងរបស់កុមារីរងគ្រោះខាងលើ បានរៀបរាប់ប្រាប់សមត្ថកិច្ចឲ្យដឹងថា កាលពីខែតុលា ឆ្នាំ២០១៦កន្លងមក ខ្លួនកំពុងដេកនៅក្នុងបន្ទប់ ក៏ស្រាប់តែឪពុកចុង ចូលមកស្ទាបអង្អែលលើខ្លួន រួចគម្រាមថា បើហ៊ានប្រាប់ម្តាយឯង អញមិនឲ្យគ្រួសារនឹងមានសេចក្តីសុខទេ ហើយក៏រំលោភបានសម្រេចតែម្តង ។
នាងបានបន្តថា បានប្រហែលជាមួយសប្តាហ៍ក្រោយមក ឪពុកចុងខ្លួនបានលួងនាង ចាប់រំលោភបានសម្រេចថែមទៀត ។ នាងបន្ថែមថា នៅក្រោយៗទៀត ឪពុកចុងរបស់នាង បានចាប់រំលោភសម្រេចជាបន្តបន្ទាប់ រហូតដល់ជាង១០ដងចាំមិនបាន ទើបម្តាយបង្កើតដឹងរឿងក៏ ដាក់ពាក្យបណ្តឹងតែម្តង ។
កុមាររងគ្រោះបានបញ្ជាក់ថា មូលហេតុដែលនាងមិនហ៊ានប្រាប់គេ ព្រោះដោយសារខា្លចឪពុកចុងនាងគំរាម ធ្វើបាបទៅលើគ្រួសារនាង ៕
ផ្តល់សិទ្ធិដោយ៖VD7News.com
