√ ផ្ទុះការសោកស្ដាយគ្រប់ៗគ្នា ខណៈឃើញជិះកង់រាល់ថ្ងៃតែថ្ងៃនេះព្រាត់សែនឆ្ងាយ...

បន្ទាយមានជ័យ៖ កាលពីរសៀលថ្ងៃទី៤ធ្នូ ២០១៦នេះ នៅតាមបណ្តោយផ្លូវជាតិលេខ៦៨ ត្រង់ចំណុចមុខសង្កាត់ រដ្ឋបាលព្រៃឈើកូនក្រៀល ស្ថិតក្នុងភូមិគិរីវ័ន្ត សង្កាត់ ក្រុងសំរោង ខេត្តឧត្តរមានជ័យ។ ដោយមានក្មេងប្រុសម្នាក់ អាយុទើបតែ៨ឆ្នាំជិះកង់ឆ្លងផ្លូវ ស្រាប់តែរថយន្តទំនើបមួយគ្រឿងលុចស៊ីស្សRX 470 បើកបុកពេញទំហឹងបណ្តាលស្លាប់នៅក្បែរកើតតែម្ដង។

ប្រភពពីសមត្ថកិច្ចចរាចណ៍បានអោយថា ករណីគ្រោះថ្នាក់ចរាចរណ៍នេះបង្កឡើងដោយរថយន្ត១គ្រឿង ម៉ាកលុចស៊ីស 470 ពណ៌ស្ក ពាក់ផ្លាកលេខ ឧត្តរមានជ័យ 2A-0456 បើកបរដោយម្ចាស់មិនស្គាល់ឈ្មោះ បានបើកមកពីទិសខាងត្បូងឆ្ពោះទៅទិសខាងជើងហើយបានបុកជនរងគ្រោះឈ្មោះ ណន ខ្នុយ ភេទប្រុស អាយុ៨ឆ្នាំ រស់នៅភូមិគិរីវ័ន្ត សង្កាត់-ក្រុងសំរោង ខេត្តឧត្តរមានជ័យ ដែលបានជិះកង់ម្នាក់ឯងឆ្លងផ្លូវពីទិសខាងលិចទៅកើត បណ្តាលអោយស្លាប់នៅនឹងកន្លែងកើតហេតុ ។

ក្រោយពេលកើតហេតុម្ចាស់រថយន្តបានគេចខ្លួនបាត់ស្រមោល បច្ចុប្បន្នវត្ថុតាងត្រូវបានជំនាញនគរបាលចរាចរណ៍ខេត្តយកទៅរក្សាទុកេនៅស្នងការដ្ឋាននគរបាលខេត្តឧត្តរមានជ័យ រង់ចាំការដោះស្រាយតាមនិតិវិធីច្បាប់នាពេលក្រោយ៕