ខេត្តកណ្ដាល៖ កាលពីម៉ោង៧និង១៥នាទីព្រឹកថ្ងៃទី១១ធ្នូ២០១៦ នេះនៅផ្ទះជួលមួយកន្លែងក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ភ្នំពេញ។ ដោយមាននារីរងគ្រោះម្នាក់ឈ្មោះ ទិត្យ ចន្នី ភេទស្រី អាយុ២៩ឆ្នាំ ជនជាតិខ្មែរ មានទីលំនៅ ភូមិព្រែកជ្រៃ ឃុំព្រែកជ្រៃ ស្រុកកោះធំ មុខរបរកម្មករកាត់ដេរនៅរោងចក្រប្រឹកពិសឹក(យ៉ុងវ៉ាថ្មី) ។
ប្រភពពីកន្លែងកើតហេតុឲ្យដឹងថា ពេលនារីរងគ្រោះទំនេរនាងតែងតែទៅដេរខោអាវរយនៅផ្ទះជួលរបស់បងស្រីឈ្មោះ ទឹម ខេង ស្រាប់តែនៅថ្ងៃកើតហេតុ ខណៈនារីរងគ្រោះនៅដេរតែម្នាក់ឯង ដោយបងស្រីជាម្ចាស់ផ្ទះជួលបានចុះទៅងូតទឹក ពេលមកវិញក៏ឃើញជនរងគ្រោះដេកលើកៅអីមុខម៉ាស៊ីនដេរ ក៏ស្រែកឲ្យគេជួយ ដោយស្មានតែខ្យល់គ ពេលនោះអ្នកជិតខាងបាននាំគ្នាមកជួយ ពេលចាប់ដៃនារីរងគ្រោះក៏បានឆក់បន្ត តែសំណាងល្អខំរើបន្ទាន់ ទើបដឹងថា នារីរងគ្រោះឆក់ខ្សែភ្លើងក៏បាននាំគ្នាបិតកុងកាក់ភ្លើង និងនាំនារីរងគ្រោះទៅពេទ្យ តែគ្រូពេទ្យបានប្រាប់ថា នារីរងគ្រោះស្លាប់បាត់ហើយ ។
តាមការបំភ្លឺរបស់ឈ្មោះ ទិត្យ សុខេង ជាបងស្រីបង្កើតនារីរងគ្រោះបានឲ្យថា តាំងពីមុនមកម៉ាស៊ីនដេរនោះតែងតែឆក់រហូត គឺមកពីឆ្លងម៉ូទរ័ដេរ តែឆក់មិនសូវខ្លាំងទេ ៕
ផ្ដល់សិទ្ធិដោយ៖VD7News.com
