បន្ទាយមានជ័យ៖ កាលពីវេលាម៉ោង៦និង១៥ព្រឹកថ្ងៃទី៨ធ្នូ ឆ្នាំ២០១៦នៅត្រង់ចំណុច ភូមិតាស្មាន់ ឃុំរលួស ស្រុកស្វាយចេក ខេត្តបន្ទាយមានជ័យ ។ តាមប្រភពពីក្រុមគ្រួសារឲ្យដឹងថា ជនរងគ្រោះ ឈ្មោះ ចាន់ សូនី ភេទប្រុស អាយុ៣២ឆ្នាំ រស់នៅភូមិ៣ សង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ។ ជនរងគ្រោះបានមកលេងជាមួយបងប្អូនឈ្មោះផល សាវី ភេទស្រី អាយុ៦១ឆ្នាំ មុខរបរធ្វើស្រែ រស់នៅភូមិតាស្មាន់ ឃុំរលួស ស្រុកស្វាយចេក ខេត្តបន្ទាយមានជ័យ។
បើយោងតាមសម្ដីប្រពន្ធរបស់ជនរងគ្រោះដែលកំពុងតែស្រែកយំនិងរៀបរបទាំងអាល័យថា ចាប់ពីថ្ងៃនេះទៅ លែងបានឃើញមុខបងទៀតហើយ...ហើយក៏បានបន្តថា ប្ដីរបស់គាត់
(ជនរងគ្រោះ)គាត់មានជម្ងឺលើសឈាមផង និងជម្ងឺរាំរ៉ៃផ្សេងៗជាច្រើនទៀតមើលមិនជា។
ក្រោយពីកើតហេតុរួចសមត្ថកិច្ចបានចុះពិនិត្យសពរួចបានធ្វើការសន្និដ្ឋានថា យោងតាមការត្រួតពិនិត្យ របស់គ្រូពេទ្យនិងសមត្ថកិច្ចជនរងគ្រោះដេក នៅលើគ្រែមានកម្ពស់៨០សងទីម៉ែត្រ ប្រហែលធ្លាក់ពីលើគ្រែផ្កាប់មុខ ដាច់សរសៃឈាម ទើបបណ្ដាលឲ្យស្លាប់តែម្ដងគ្មានពាក់ព័ន្ធ និងអំឃាតកម្មនោះទេ ព្រោះសំអាងថា គ្មានស្នាកស្នាមនៅលើដងខ្លួន។
សពត្រូវបានធ្វើក្រុមគ្រួសារ ចាត់ចែងបុណ្យតាមប្រពៃណី នៅផ្ទះកើតហេតុខាងលើតែម្តង ៕
ផ្ដល់សិទ្ធិដោយ៖VD7News.com
