
ខេត្តកំពង់ស្ពឺ៖ កងពលតូចលេខ៧០ នៅថ្ងៃទី០១ ខែធ្នូ ម្សិលមិញនេះ នៅសាលាហ្វឹកហ្វឺន ភ្នំធំ ស្រុកសំរោងទង បានបញ្ចប់ការហ្វឹកហ្វឺនបាញ់គ្រាប់ពិត រយៈពេល៤ថ្ងែ ចាប់ពីថ្ងៃទី២៨ ខែវិច្ឆិកា ដល់ថ្ងៃទី១ ខែធ្នូ ឆ្នាំ២០១៦ ដែលមានសិក្ខាកាមសរុបចំនួន ២៦០នាក់ ស្រី (៣៥នាក់) មកពីបណ្តាកងអនុសេនាធំទ័ពពិសេសទី១ ទី២ និងទី៣។
ការធ្វើលំហាត់បាញ់គ្រាប់ពិតដែលដឹកនាំពី ឯកឧត្ដមឧត្ដមសេនីយ៍ឯក អ៊ួង សំកត់ មេបញ្ជាការរងកងពលលេខ៧០នេះ ធ្វើឡើងដើម្បីបង្កើនសមត្ថភាពបន្ថែមនូវការបាញ់របស់ទ័ពពិសេសប្រឆាំងភេរវកម្ម ក្នុងការបំពេញ ភារកិច្ច ការពារប្រជាពលរដ្ឋ ថ្នាក់ដឹកនាំ រដ្ឋាភិបាល ទីក្រុងភ្នំពេញ និងមាតុភូមិកម្ពុជាទាំងមូល។
ក្នុងការបាញ់មួយលើកៗមានគ្នា៨នាក់ ក្នុងម្នាក់ៗអាចបាញ់បាន២៧គ្រាប់ ដោយមានការហ្វឹកហ្វឺនពីរបៀបបាញ់ ៣ដំណាក់កាលគឺ ដំណាក់កាលទី១ ដេកបាញ់រយៈចម្ងាយ ៧០ម៉ែត្រ បាញ់ ៣គ្រាប់ដំណាក់កាលទី២ លុតជង្គង់បាញ់មានរយៈចម្ងាយ៦០ម៉ែត្រ បាញ់ ១២គ្រាប់ និងដំណាក់កាលទី៣ ឈរបាញ់មានរយៈចម្ងាយ ៥០ម៉ែត្រ បាញ់១២គ្រាប់ ប្រើប្រាស់អាវុធប្រភេទ AK 47៕
ផ្ដល់សិទ្ធិដោយ៖KQUBE


