ខេត្តកណ្ដាល៖ នៅព្រឹកថ្ងៃទី២ ធ្នូ ២០១៦នេះ សិស្សានុសិស្សថ្នាក់ទី១០ ទី១១ និងទី១២ ប្រមាណជា១០នាក់ នៃវិទ្យាល័យសម្តេចតេជោហ៊ុន សែន ត្រើយស្លា ស្ថិតនៅភូមិព្រែកប៉ាន ឃុំត្រើយស្លា ស្រុកស្អាង ខេត្តកណ្តាល បានផ្ទុះការតវ៉ាទាមទារឲ្យមានដំណោះស្រាយបន្ទាន់ចំពោះលោកនាយក សាលា សុខ ពៅ ដែលបានប្រព្រឹត្តទង្វើពុករលួយមកលើពួកគេ និងបានទះកំភ្លៀងសិស្សម្នាក់អំឡុងពេលតវ៉ាថែមទៀតផង ។
ប្រភពពីលោក សុខ ពៅ ថា នៅពេលដែលអ្នកសារព័ត៌មានចុះយកព័ត៌មាន និងថតយករូបភាពនោះ បានគំរាមមកលើអ្នកកាសែតថែមទៀតថា ពុំមានសិទ្ធិនៅក្នុងការចុះយកព័ត៌មាននេះឡើយ បើគ្មានការអនុញ្ញាតពីក្រសួងព័ត៌មាន ។ នាយកសាលាវិទ្យាល័យសម្តេចតេជោហ៊ុន សែន ត្រើយស្លា ឈ្មោះ សុខ ពៅ បានរងការចោទប្រកាន់ពីសំណាក់សិស្សានុសិស្សថាបានប្រព្រឹត្តអំពើពុករលួយ ធ្វើឲ្យពួកគេទ្រាំនឹងទង្វើនេះមិនបាន ក៏ប្រមូលផ្តុំគ្នាផ្ទុះការតវ៉ា ទាមទារឲ្យមានការដោះស្រាយបន្ទាន់ ។
ក្រុមសិស្សានុសិស្សបានឲ្យដឹងថា នាយកសាលា សុខ ពៅ ប្រព្រឹត្តអំពើពុករលួយដូចជា ៖
សិស្សដែលប្រឡងធ្លាក់ បើចង់ជាប់វិញ ត្រូវសូកលុយពី១០ដុល្លារ ឬ២០ដុល្លារ, យកលុយហាត់កីឡា ៥០០រៀល, យកលុយពលកម្ម កសិកម្ម២ពាន់រៀល, យកលុយទិញពាក្យសុំចូលរៀន២៥០០រៀលទិញកង្ហា ឬមិនគោរពទង់ជាតិ១ពាន់រៀល ៕
ផ្ដល់សិទ្ធិដោយ៖VD7News.com
