ភ្នំពេញ៖ កាលពីរសៀលថ្ងៃទី១៩ ធ្នូ ២០១៦ម្សិលមិញនេះ ស្ថិតនៅចំណុចក្នុងភូមិក្បាលកោះ សង្កាត់កោះដាច់ ខណ្ឌជ្រោយចង្វារ ភ្នំពេញ,។ ដោយមានស្ត្រីជាម្ដាយកុមារីរងគ្រោះបានឃើញកូនស្រីរបស់ខ្លួន មានអាការៈស្លេកស្លាំងយ៉ាងខ្លាំង ពីមួយថ្ងៃទៅមួយថ្ងៃ ទើបសួរនាំក្រែងកូនឈឺថ្កាត់ ស្រាប់តែបែកធ្លាយរឿង បុរសជាប្អូនថ្លៃនិងត្រូវជាពូ ដែលមានប្រពន្ធកូនហើយនោះ បានបង្ខំរំលោភលើរូបនាងបានសម្រេចជាបន្តបន្ទាប់ដល់ទៅ៤ដង ហើយស្ត្រីជាម្ដាយក៏សម្រេចចិត្តប្ដឹងទៅ នគរបាលមូលដ្ឋានប៉ុស្ដិ៍កោះដាច់ខណ្ឌជ្រោយចង្វារ ឲ្យជួយអន្តរាគមន៍ រហូតឈានទៅឃាត់ខ្លួនបុរសជាពូ ដែលល្មោភកាមសូម្បីក្មួយស្រីខ្លួនឯងអាយុទើបតែ១១ឆ្នាំក៏មិនលើកលែង។
ប្រភពឲ្យដឹងថា ជនសង្ស័យល្មោភកាម ដែលត្រូវសមត្ថកិច្ចឃាត់ខ្លួន ឈ្មោះ ស៉ឹម ម៉ុក អាយុ៣៣ឆ្នាំ មុខរបរជាអ្នកនេសាទ ដែលមានទាំងប្រពន្ធនិងកូនថែមទៀតផង។ រីឯក្មេងស្រីរងគ្រោះឈ្មោះ ថ.ស.ធ.រ អាយុ១១ឆ្នាំ ជាសិស្សថ្នាក់ទី៥ សាលាបឋមសិក្សាក្បាលកោះ និងជាក្មេងកំព្រា គ្មានឪពុក ដោយស្នាក់នៅជាម្ដាយឈ្មោះ ស.ធ.រ អាយុ៣២ឆ្នាំ មុខរបរជាកសិករ។ជនសង្ស័យនិងជនរងគ្រោះ ស្នាក់នៅភូមិសង្កាត់កើតហេតុខាងលើ ៕

ផ្តល់សិទ្ធិដោយ៖VD7News.com