ខេត្តកណ្ដាល៖ កាលពីវេលាម៉ោង០៩និង៣០នាទីព្រឹកថ្ងៃទី១៩ធ្នូ២០១៦ នេះនៅចំណុច ចំណតទូកសាលាដំណាក់ វត្តពោធិ៍ ស្ថិតក្នុងភូមិ ព្រែកស្លែង ឃុំតាលន់ ស្រុកស្អាង ខេត្តកណ្តាល។ បង្កឡើងដោយជនសង្ស័យ ម្នាក់ត្រូវបាន(ឃាត់ខ្លួន)មានឈ្មោះ នឿន សុខយុត្ថ ហៅ រីណា ភេទ ប្រុស អាយុ ១៦ឆ្នាំ ជនជាតិ ខ្មែរ មុខរបរ សុីឈ្នួលគេ ទីលំនៅ ភូមិក្បាលកោះតូច ឃុំតាលន់ ស្រុកស្អាង ខេត្តកណ្តាល។ បានធ្វើសកម្មភាពលួចទូកជនរងគ្រោះឈ្មោះ ហុី រុន ភេទ ប្រុស អាយុ ៥៩ឆ្នាំ ជនជាតិ ខ្មែរ មុខរបរ នេសាទ (ជាម្ចាស់ទូក) ទីលំនៅ ភូមិ លេខ៣ ឃុំ ប្រាសាទ ស្រុកស្អាង ខេត្តកណ្តាល។
ប្រភពពីសមត្ថកិច្ចឲ្យដឹងថា នៅវេលាម៉ោង០៧:៣០នាទីព្រឹក នៅថ្ងៃទី១៧ធ្នូ២០១៦ ឈ្មោះ ហម តោ ភេទ ប្រុស ជាកូនប្រសាររបស់ឈ្មោះ ហុី រុន បានចតទូកម៉ាសុីន ជាមួយអ្នកភូមិ នៅមុខសាលាដំណាក់ វត្តពោធិ៍ ជាធម្មតា រួចជិះម៉ូតូទៅរាជធានីភ្នំពេញ ។នៅវេលាម៉ោង០៩.៣០នាទី ថ្ងៃដដែល ជនសង្ស័យឈ្មោះ នឿន សុខយុត្ថ បានធ្វើសកម្ម
ភាពលួចទូកខាងលើបើកសំដៅទៅទិសខាង
កើតបាត់ ។ លុះនៅម៉ោង១២:០០នាទី ថ្ងៃដដែល ឈ្មោះ ហម តោ ត្រឡប់មកវិញ រកទូកមិនឃើញ ក៏បានតាមស្វែងរកជនសង្ស័យខាងលើ រហូតដល់ថ្ងៃទី១៩ធ្នូ២០១៦ វេលាម៉ោង១១និង០០នាទី ទើបឈ្មោះ ហុី រុន ត្រូវជាឪពុកក្មេក របស់ឈ្មោះ ហម តោ សហការជាមួយសមត្ថកិច្ចនគរបាលប៉ុស្តិ៍ខ្ពប ស្វែងរកជួបប្រទះឈ្មោះនឿន សុខយុត្ថ កំពុងបើកទូកនេះនៅចំណុចទន្លេបាសាក់ភូមិកោះថ្មី ឃុំ ខ្ពប ស្រុកស្អាង ខេត្តកណ្តាល។
សមត្ថកិច្ចដកហូតវត្ថុតាង៖ ទូកធ្វើអំពីជ័រស្មាច់ ពណ៌ ខៀវ លាយស០១គ្រឿង បណ្តោយ៧,៧០ ម៉ែត្រ ចំណុះ ៥០០ គីឡូក្រាម និង ម៉ាសុីន (សាំង) ម៉ាក ហាំប៊េី ពណ៌ ក្រហម០១ គ្រឿង មានដងឡាប ។
សមត្ថកិច្ចបាននាំខ្លួនជនសង្ស័យ ឈ្មោះ នឿន សុខយុត្ថ និងវត្ថុតាង មកកាន់ប៉ុស្តិ៍រដ្ឋបាលខ្ពប ដើម្បីសាកសួរ និងដើម្បីបន្តចាត់ការតាមនីតិវិធី៕
ផ្តល់សិទ្ធិដោយ៖VD7News.com
