√ មន្ត្រីអាវុធហត្ថម្នាក់ ឌុបនារីជាសង្សារមកបាញ់ លៀនគ្រាប់ភ្នែក ស្លាប់យ៉ាងរន្ធត់

ភ្នំពេញ៖ កាលពីវេលាម៉ោង១២និង៤០នាទីរំលងអាធ្រាតឈានចូលថ្ងៃទី១០ធ្នូរ ២០១៦នេះ ស្ថិតនៅក្នុងភូមិទួលសង្កែសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ ដោយមានហេតុការណ៍ភ្ញាក់ផ្អើលមួយបានកើតឡើងដោយសារមាននារីម្នាក់ស្លាប់យ៉ាង អាណោចអាធ័ម ខណៈគេសង្ស័យថា ត្រូវបានសង្សារជាមន្ត្រីអាវុធហត្ថដឹកមកដេកនៅផ្ទះសំណាក់(សារីធំ)បន្ទប់លេខ៤០៤ជាន់ឡៅតឿរួចបាញ់ប្រហារបណ្តាលអោយធ្លាយគ្រាប់ភ្នែកមកក្រោយស្លាប់ភ្លាមៗនៅកន្លែងតែម្តង។

យោងតាមស្ត្រីឈ្មោះ ឈុត ស្រីមុំ ជាអ្នកមើលការខុសត្រូវផ្ទះសំណាក់ខាងលើបានប្រាប់ថា មុនពេលកើតហេតុជនសង្ស័យនិងជនរងគ្រោះបានជិះម៉ូតូមួយគ្រឿងម៉ាក MSXពណ៌សស្លាកលេខ«មិនចាំខេត្ត» 4399 មកជួលបន្ទប់ខាងលើដើម្បីស្នាក់នៅ គឺមួយខែអ្នកទាំងពីរមកជួលស្នាក់នៅ២ឬ៣ដង ។

តែនៅយប់កើតហេតុនេះគឺនៅម៉ោងខាងលើគេឮសំលេងផ្ទុះអាវុធមួយគ្រាប់ស្រាប់តែឃើញជនសង្ស័យខាងលើបានចុះមកក្រោមវិញតែម្នាក់ឯងភ្លាមៗនោះសន្តិសុខ យាមនៅផ្ទះសំណាក់បាននាំគ្នាឃាត់តែជនសង្ស័យនៅតែចេញបានប្រតាយប្រតប់គ្នាផងដែរតែដោយសារជនសង្ស័យមានអាវុធខ្លីនៅនិងចង្កេះទើបសន្តិសុខមិនហ៊ានឃាត់តទៅទៀតខ្លាចជននោះបាញ់ថែមទើបជនសង្ស័យរូបនោះមានឱកាសយកម៉ូតូជិះចេញពីកន្លែងកើតហេតុរួចគេចខ្លួនបាត់ស្រមោល ។
ប្រភពបន្តទៀតថា បន្ទាប់ពីជនសង្ស័យចេញទៅបាត់សន្តិសុខនិងស្រីជាអ្នកមើលការខុសត្រូវខាងផ្ទះសំណាក់នាំគ្នារត់ឡើងទៅមើលបន្ទប់៤០៤ក៏បានឃើញនារីរងគ្រោះដេកស្លាប់នៅលើពួកបាត់ទៅហើយព្រោះត្រូវជនសង្ស័បាញ់ប្រហារចំគ្រាប់ភ្នែកខាងស្តាំធ្លាយទៅក្រោយ។

ភ្លាមៗនោះខាងផ្ទះសំណាក់បានខលហៅខាងសមត្ថកិច្ចចុះមកមើលហើយបញ្ជាក់ថាស្ត្រីរងគ្រោះខាងលើពិតជាស្លាប់ដោយសារការបាញ់ប្រហារមែន ហើយសមត្ថកិច្ចកំពុងតែស្រាវជ្រាវតាមចាប់ជនដៃដល់ដែលជាសង្សារយកមនផ្តន្ទារទោសទៅតាមផ្លូវច្បាប់។

ចំនែកសពនារីរងគ្រោះត្រូវបានខាងផ្ទះសំណាក់ដឹកយកទៅតំកល់នៅមន្ទីរពេទ្យកាល់ម៉ែតបាត់ទៅ៕