កូរ៉េខាងត្បូង៖ បន្ទាប់ពីនៅប្រទេសកូរ៉េមានសីតុណ្ហភាពចុះត្រជាក់ ដែលធ្វើពលរដ្ឋខ្មែរបានជួបបញ្ហាសុខភាពយ៉ាងខ្លាំងរហូតដល់ដេកសន្លប់និងឈានដល់ស្លាប់ក៏មានផងដែរ ដែលករណីបានធ្វើឲ្យនារីពលរដ្ឋខ្មែរម្នាក់បានបញ្ចេញវីដេអូនិយាយទាំងយំអួលដើម ក សុំអង្វរឲ្យស្ថានទូតខ្មែរប្រចាំប្រទេសកូរ៉េស្នើសុំទៅក្រសួងការងារនិងក្រសួងសុខាភិបាលចុះមកពិនិត្យសុខភាពពលករខ្មែរជាបន្ទាន់។
ក្នុងវីដេអូដែលនារីរូបស្រស់យំអណ្ដឺតអណ្ដកនេះ ក៏ចង់ឲ្យមន្ត្រីស្ថានទូកកម្ពុជាក៏ដូចជាក្រសួងការងារចុះពិនិត្យសុខភាពពលករខ្មែរនៅកូរ៉េឲ្យបានច្រើនដងផងដែរ និងកុំធ្វើតែមួយឆ្នាំម្តងហើយបានត្រឹមបញ្ជាក់ប្រាប់ថាមានសុខភាពស្តង់ដារហើយ ប៉ុន្តែមិនបានប្រាប់ស្ថានភាពសុខភាពលម្អិត ថាតើត្រូវធ្វើដូចម្តេច ដើម្បីជៀសវាងគ្រោះថ្នាក់គាំងបេះដូងនិងជំងឺផ្សេងទៀតនៅរដូវរងានេះទេ ហើយបើគិតមកទល់ពេលនេះពលករខ្មែរប្រមាណ១០នាក់ហើយបានស្លាប់ដោយសារជំងីគាំបេះដូង។
ជុំវិញបញ្ហានេះដែលស្ថានទូតខ្មែរប្រចាំប្រទេសកូរ៉េ និងគណៈកម្មាធិការបណ្ដុះបណ្ដាលនិងបញ្ជូនពលករទៅបរទេសនៃក្រសួងការងារក៏បានចេញសេចក្ដីណែនាំ ដើម្បីឲ្យបងប្អូនពលករអនុវត្តផងដែរ សម្រាប់ជៀសវាងជួបបញ្ហាសុខភាពខាងលើនេះ។ យ៉ាងណាមិញសូមទស្សនាវីដេអូរបស់នារីរូបស្រស់ពលករខ្មែរដែលយំអង្វរឲ្យសមត្ថកិច្ចកម្ពុជានៅកូរ៉េជួយដល់ពួកគេ៖
ទស្សនាវីដេអូ៖
ផ្តល់សិទ្ធិដោយ៖KQUBE