ខេត្តពោធិ៍សាត់៖ នៅព្រឹកថ្ងៃទី០៦ខែមករា ឆ្នាំ២០១៧ ស្ថិតនៅចំណុចប្រឡាយទឹកផ្លូវលំ ក្នុងភូមិសំរោង ឃុំក្បាលត្រាច ស្រុកក្រគរ ខេត្តពោធិ៍សាត់។ ប្រភពបានឲ្យដឹងថា សាកសពជនរងគ្រោះទំនងជាស្រវឹងស្រាដើរធ្លាក់ប្រឡាយទឹកលង់ស្លាប់នោះទើបស្លាប មានឈ្មោះ កាន់ សុខគង់ ហៅដា អាយុ៣៣ឆ្នាំ រស់នៅភូមិឃុំកើតហេតុខាងលើ មានប្រពន្ធឈ្មោះ សៅ វី អាយុ២៩ឆ្នាំ មានកូនក្នុងបន្ទុក ២នាក់ ស្រីទាំងអស់។
ប្រភពបានបន្តថា សាកសពជនរងគ្រោះ មានពាក់អាវយឺតដៃវែងពណ៌ខៀវ និងខោក្រឡាត់ពណ៌ខ្មៅ ហើយបើតាមការសន្និដ្ឋានជំហានដំបូង សាកសពជនរងគ្រោះអាចស្លាប់ដោយសារផឹកស្រាស្រវឹង រួចដើរធ្លាក់ចូលប្រឡាយទឹកលង់ស្លាប់តែម្តង ដែលមិនមែនជាករណីឃាតកម្មនោះឡើយ។
បច្ចុប្បន្នសាកសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ រៀបចំធ្វើបុណ្យតាមប្រពៃណី៕
