ខេត្តសៀមរាប ៖ តាមសេចក្តីរាយការណ៍កាលពីល្ងាចម្សិលមិញបានឱ្យដឹងថា ស្ត្រីម្នាក់ក្នុងចំណោមជនរងគ្រោះចំនួន03នាក់ ដែលត្រូវឃាតករអារ.កសម្លាប់ក្នុងរាត្រីឆ្លងឆ្នាំ2017នោះ បានដឹងតម្រុយពីឃាតករនោះហើយ។នារីរងគ្រោះខាងលើឈ្មោះឡេង ស្រីពៅ អាយុ១៨ឆ្នាំ ជាបុគ្គលិកក្រុមហ៊ុនអាហារបំប៉ន មានស្រុកកំណើតនៅភូមិការ៉េនជោ ឃុំអង្គាញ់ ស្រុកទ្រាំង ខេត្តតាកែវ។ រីឯឃាតករឈ្មោះជា សុជៀនភេទប្រុស អាយុ23ឆ្នាំ ដែលឈ្មោះនេះ តុលាការខេត្តសៀមរាបបានចេញដីកាចាប់ខ្លួនហើយ ដែលធ្វើការជិត01ឆ្នាំនៅក្នុងក្រុមហ៊ុន ជាមួយជនរងគ្រោះទាំង៣នាក់ ។
គួររំលឹកថា គិតមកដល់រសៀលថ្ងៃទី០២ មករា នេះ ស្ត្រីម្នាក់ក្នុងចំណោមជនរងគ្រោះ២នាក់ ដែលត្រូវឃាតករអារ.កសម្លាប់ក្នុងរាត្រីឆ្លងឆ្នាំ២០១៧នោះ បានធូរស្រាលអាចនិយាយបានខ្លះៗហើយ ។ បន្ទាប់ពីក្រុមគ្រូពេទ្យខិតខំសង្គ្រោះយ៉ាងចិត្តទុកដាក់បំផុត នៅឯមន្ទីរពេទ្យបង្អែកខេត្តសៀមរាប ហើយក៏បានដឹងពីតម្រុយឃាតករ ដែលកំពុងគេចខ្លួនផងដែរ ។
តាមប្រភពពីសមត្ថកិច្ចបានឲដឹងថា ជនដៃដល់រូបនេះ គឺវាបានដាក់ថ្នាំសណ្តំក្នុងទឹកឱ្យផឹក ទើបវាសម្លាប់ជនរងគ្រោះទាំង03នាក់ ។ ចំណែកឯនារី រងគ្រោះដែលអាចនៅមានជីវិតខាងលើ ត្រូវនាងនិយាយថា បានធ្វើពុតជាស្លាប់ ទើបអាចរស់បានបែបនេះ ។
បច្ចុប្បន្នជនសង្ស័យរូបនេះកំពុងតែគេចខ្លួននៅឡើយ សមត្ថកិច្ចកំពុងបើកការស៊ើបអង្កេតស្វែងរក ចាប់ខ្លួនយ៉ាងក្តៅគគុក និងបានរកឃើញគណនីហ្វេសប៊ុករបស់ជនដៃដល់រូបនេះទៀតផង មានឈ្មោះភូ តឹកឡឹក ភេទប្រុស អាយុ23ឆ្នាំ មានទីលំនៅក្នុងឃំុស្វាយជ្រំុ ស្រុករលាប្អៀរ ខេត្តកំពង់ឆ្នាំង៕ដោយម៉ែង ហួត
ផ្តល់សិទ្ធិដោយ៖VD7News.com
