ខេត្តព្រះសីហនុ៖ រថយន្តរត់តាក់ស៊ីម៉ែត្រមួយគ្រឿងបានក្រឡាប់ធ្លាក់ផ្លូវដោយខ្លួនឯងនៅផ្លូវជាតិលេខ ៤ ចន្លោះគីឡូម៉ែត្រលេខ ១៦៤-១៦៥ ភូមិតានៃ ឃុំជើងគោស្រុកព្រៃនប់ខេត្តព្រះសីហនុ នៅថ្ងៃដើមឆ្នាំសកល ១មករា ឆ្នាំ២០១៧ម្សិលមិញនេះ ប៉ុន្តែមិនបណ្ដាលឲ្យរងរបួសធ្ងន់ធ្ងរនោះទេ។
យោងតាមសមត្ថកិច្ចបានឲ្យដឹងថា រថយន្តតាក់ស៊ីម៉ែត្រក្រឡាប់នេះ ម៉ាក Corolla ពណ៌ខៀវពាក់ស្លាកលេខភ្នំពេញ 2AH 4388 បើកបរដោយឈ្មោះ ប៊ុន សំបូរ ភេទប្រុស អាយុ២៣ឆ្នាំ មានទីលំនៅ ខណ្ឌមានជ័យ បានបើកបរក្នុងទិសដៅពី ភ្នំពេញ ទៅខេត្តព្រះសីហនុ ហើយក្នុងនោះមានអ្នករួមដំណើរស្រ្តីជនជាតិរុស្ស៊ី៣នាក់ ដែល១-ឈ្មោះSAIFPINOVA OKSANA អាយុ៣១ឆ្នាំ ទេសចរណ៍ ២-ឈ្មោះ BELIk ANASTOSLLA អាយុ៣០ឆ្នាំ ទេសចរណ៍ ៣-ឈ្មោះBUSHUEVA BIKTORIAអាយុ១៤ឆ្នាំ៕
ផ្តល់សិទ្ធិដោយ៖KQUBE
