√ ប៉ូលិសខ្លាំងដែលពូកែដើរកាងក្នុងល្បែងមាន់ជល់ ត្រូវនាយឧត្ដមសេនីយ៏ នេត សាវឿន ដកតំណែងចេញហើយ

ភ្នំពេញ:បើតាមទំព័រហ្វេសបុករបស់លោកផែង វណ្ណះក្នុងថ្ងៃបានសរសេរអោយដឹងថាអគ្គស្នងការដ្ឋាននគរបាលជាតិ បានអោយដឹងថា នាយឧត្ដមសេនីយ៏ នេត សាវឿន អគ្គស្នងការនគរបាលជាតិ បញ្ជាអោយដកមន្ត្រីនគរបាលកាងវង់ល្បែងបញ្ឈរជើងនិងចាត់ការតាមផ្លូវច្បាប់ បន្ទាប់ពីផ្ទុះរឿងអាស្រូវមន្ត្រីនគរបាលសេដ្ឋកិច្ច នៃស្នងការដ្ឋាននគរបាលរាជធានីភ្នំពេញ ឈ្មោះលោកអនុសេនីយ៍ឯក ខេង សុខា ដើរកាងវង់ល្បែងជល់មាន់នៅស្រុកគងពិសី ខេត្តកំពង់ស្ពឺ ឯកឧត្ដមនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានបញ្ជាអោយឯកឧត្តមនាយឧត្តមសេនីយ៍ ជួន សុវណ្ណ អគ្គស្នងការរង និង ជាស្នងការនគរបាលរាជធានីភ្នំពេញ ដាក់វិន័យដកបញ្ឈរជើងនិងចាត់វិធានការណ៍តាមផ្លូវច្បាប់ចំពោះ លោកអនុសេនីយ៍ឯក ខេង សុខា ដោយមិនលើកលែងឡើយ ។

យើងខ្ញុំទាំងអស់គ្នាសូមគាំទ្រវិធានការណ៍របស់ឯកឧត្ដមនាយឧត្ដមសេនីយ៍ នេត សាវឿន អគ្គស្នងការនគរបាលជាតិ ដែលបានចាត់វិធានការណ៍ចំពោះមន្ត្រីខិលខូចដើម្បីបង្ហាញប្រាប់មហាជនថា ថ្នាក់ដឹកនាំមិនដែលការពារទង្វើអាក្រក់របស់មន្ត្រីខិលខូចឡើយ ។