
ខេត្តកំពត៖ ពិតជារឿងចៃដន្យដ៏កម្រមួយ ដែលមានគូស្នេហ៍រហូតដល់ទៅបីគូ បានជួបគ្នានៅកន្លែងតែមួយ ថ្ងៃតែមួយ ក្នុងការថត Pre Wedding របស់ពួកគេ សម្រាប់ត្រៀមថ្ងៃមង្គលចូលមកដល់ ទីនោះគឺជារមណីយដ្ឋានភ្នំកំពង់ត្រាច ដែលស្ថិតនៅលើទឹកដីនៃខេត្តកំពត។
ទោះបីទីនោះជាទីឋានជនបទក៏ពិតមែន ប៉ុន្តែទេសភាពនៅទីនោះប្រៀបបានទៅនឹងផ្ទាំងគំនូរមួយសន្លឹក ដែលរំលេចចេញពីទឹកដៃដ៏ប្រណិតរបស់វិចិត្រករដៃឯក។ តបសំនួរពីអ្នកសារព័ត៌មាន ខេឃ្យូប តាមរយៈសារក្នុងហ្វេសប៊ុក កញ្ញា ឌីណា ដែលត្រៀមខ្លួនចូលរោងការនៅថ្ងៃខាងមុខ បានប្រាប់ថា នេះគឺជារឿងចៃដន្យពិតមែន ដែលពួកគេបានជ្រើសរើសយក កន្លែងតែមួយ ហើយក្នុងថ្ងៃតែមួយទៀត សម្រាប់ការថតរូប និងវីដេអូ អនុស្សាវរីយ៍ មុនថ្ងៃរៀបការរបស់ពួកគេ។
គួរបញ្ជាក់ថា រមណីយដ្ឋានភ្នំកំពង់ត្រាច ត្រូវគេចាត់ទុកជាទីកន្លែង ដែលមានទេសភាពស្រស់ស្អាត មិនចាញ់រមណីយដ្ឋាននានា ក្នុងព្រះរាជាណាចក្រកម្ពុជានោះទេ ហើយទីនេះផលិតករថតកុនរបស់ ហូលីវូត ក៏ធ្លាប់មកថតរឿងនៅកន្លែងនេះដែរ៕


ផ្តល់សិទ្ធិដោយ៖KQUBE