√ បុរសចិត្តកំណាចស្រវឹងស្រាជោគ ខឹងប្រពន្ធស្តីបន្ទោសបន្តិចបន្តួច កាប់ប្រហារអ៊ុំរបួសធ្ងន់ និងកាប់ចៅដាច់ដៃឆ្វេង នៅស្រុករមាសហែក

ខេត្តស្វាយរៀង ៖ មានករណីកាប់ប្រហារយ៉ាងសាហាវ ដោយសារអំណាចស្រា ធ្វើអោយបុរសម្នាក់ក្លាយជាអ្នកទោស បានប្រព្រឹត្តិបទល្មើសកាប់អ៊ុំស្រី រងរបួសធ្ងន់និងចៅ ដាច់ដៃឆ្វេង រួចត្រូវគេបញ្ជួនទៅកាន់ មន្ទីរពេទ្យប្រតិបត្តិស្រុករមាសហែក ចំណែកស្ត្រីចំណាស់ ដែលរបួសធ្ងន់ ត្រូវក្រុមគ្រួសារ បញ្ជួនបន្តទៅភ្នំពេញ។ ហេតុការនេះ បានកើតឡើង នៅវេលាម៉ោង១១និង២០នាទីយប់ ថ្ងៃ១៥ ខែកុម្ភះ ឆ្នាំ២០១៧ ស្ថិតនៅភូមិត្រពាំងស្មាច់ ឃុំ-ស្រុករមាសហែក ខេត្តស្វាយរៀង។

បើតាមវរៈសេនីយ៍ទោ សំ សំអុល អធិការនគរបាលស្រុករមាសហែក បានអោយដឹងថាមូលហេតុ ដែលនាំអោយកើតអំពើហឹង្សានេះឡើង ដោយសារជនល្មើស បានផឹកសុីឡើងស្រវឹង ហើយបានឈ្លោះប្រកែកគ្នា ជាមួយប្រពន្ធ ឈានដល់វាយប្រពន្ធពីរបីប្រនុង ធ្វើប្រពន្ធជនល្មើសរត់ចេញពីផ្ទះ។ជនរងគ្រោះត្រូវជាអ៊ំក៏ស្តីបន្ទោសបន្តិចបន្តួចក៏កើតចិត្តក្តៅក្រហាយវាយទៅលើអ៊ំរងរបួសធ្ងន់និងទាញកាំបិតកាប់ចៅជនរងគ្រោះដាច់ដៃឆ្វេងក្រោយពីកើតហេតុជនល្មើសបានរត់គេចខ្លួនរីឯជនរងគ្រោះទាំងពីរបញ្ជួនទៅកាន់មន្ទីពេទ្យ។

ប្រភពដដែលបានបន្តទៀតថាក្មេងរងគ្រោះមានឈ្មោះ សឿន ស្រីរ័ត្ន ភេទស្រី អាយុ ៥ ឆ្នាំ នៅភូមិត្រពាំងស្មាច់ ឃុំជ្រៃធំ ស្រុករមាសហែក ត្រូវបានជនសង្ស័យដែលត្រូវជាអុំ មានឈ្មោះ គង់ កុសល់ អាយុ៣២ឆ្នាំ កាប់បណ្តាលអោយដាច់ដៃឆ្វេង និងជនរងគ្រោះម្នាក់ទៀតអាយុ៦៣ឆ្នាំ(របួសធ្ងន់បញ្ជួនទៅភ្នំពេញ) ខណៈដែលជនរងគ្រោះទៅឃាត់ជនសង្ស័យក្នុងពេលស្រវឹងហើយឈ្លោះគ្នាក្នុងគ្រួសារ។បច្ចុប្បន្នសមត្ថកិច្ចកំពុងស្រាវជ្រាវចាប់ជនល្មើសមកទទួលទោសទៅតាមផ្លូវច្បាប់៕ ដោយ វីរះពៅ ស្វាយរៀង