√ រថយន្តដឹកផ្លែដូងដាច់ម៉ែត្រចង្កូត របូតកង់ក្រឡាប់ផ្ងាជើង រងរបួសធ្ងន់ស្រាល៣នាក់ និងស្លាប់ម្នាក់ពេលទៅដល់មន្ទីរពេទ្យ

ខេត្តកំពត ៖ រថយន្តហ៊ីយ៉ានដា២តោនកន្លះដឹកផ្លែដូងមួយគ្រឿង បើកក្រឡាប់ខ្លួនឯង ដោយសារដាច់ម៉ែត្រចង្កូតបូមកង់ បណ្តាលឲ្យក្រឡាប់ចាក់មនុស្ស និងផ្លែដូងខ្ចី ជាច្រើនជះចោល បានបណ្តាលអោយមនុស្សនៅលើរថយន្តទទួល រងរបួសធ្ងន់ស្រាល០៣នាក់ស្លាប់១នាក់ កាលពីម៉ោង០៤និង៣០រសៀលថ្ងៃទី១៥ ខែកុម្ភៈ ឆ្នាំ២០១៧ លើកំណាត់ផ្លូវជាតិលេខ៣១ ស្ថិតក្នុងភូមិព្រៃផ្តៅ ឃុំភ្នំកុង ស្រុកអង្គរជ័យ ខេត្តកំពត។

បើតាមការបញ្ជាក់ពីលោកវរសេនីយ៍ត្រី ទូច ចន្ធី អធិការងទទួលផែនចរាចរណ៍ផ្លូវគោគនៃអធិការដ្ឋាននគរបាលស្រុកអង្គរជ័យបានឲ្យ ដឹងនៅថ្ងៃទី១៦នេះថា ជនដែលទទួលរងគ្រោះរួមមាន៖ ទី១-ឈ្មោះ (ចឹក តយ) ភេទប្រុស អាយុ២៨ឆ្នាំ រស់នៅភូមិត្រពាំងថ្ងាន់ ឃុំប្រភ្នំ ស្រុកអង្គរជ័យ ខេត្តកំពត (របួសស្រាល)។ ទី២-ឈ្មោះ (ស៊ី ពៅ) ភេទប្រុស អាយុ៤៨ឆ្នាំ រស់នៅភូមិកម្មករ ឃុំសំឡាញ(របួសស្រាល) ។ ទី៣-ឈ្មោះ (ពេក ប្រុស) ភេទប្រុស អាយុ៤២ឆ្នាំ រស់នៅភូមិស្រែជា ឃុំចំប៉ី ស្រុកអង្គរជ័យ ខេត្តកំពត(របួសធ្ងន់) និងទី៤-ឈ្មោះ (ជិន តន) ភេទប្រុស អាយុ៥៣ឆ្នាំ រស់នៅ ភូមិកសិករ ឃុំសំឡាញ ស្រុកអង្គរជ័យ ខេត្តកំពត (របួសស្រាល)ក្នងចំណោមមនុស្សរងគ្រោះ៤នាក់ស្លាប់១នាក់ពេលបញ្ជូនទៅដល់មន្ទីរពេទ្យខេត្តតាកែវ។

លោកអធិការងបានបន្តថា រថយន្តម៉ាកហ៊ីយ៉ាន់ដាយ ចំណុះ២តោណ ពាក់ស្លាក់លេខឆ-៤៥ ០២ ភព២ បើកដឹកផ្លែដូងចេញពីភូមិសាស្ត្រ ជិតកន្លែងកន្លែងកើតហេតុ ឆ្ពោះទៅភ្នំពេញ លុះដល់ចំណុចកើតហេតុ ស្រាប់តែរថយន្តដាច់ម៉ែត្រចង្កូត ខ្ទាតកង់ចេញ បណ្តាលឲ្យក្រឡាប់ផ្ងាជើងឡើងលើ ធ្លាក់ជនរងគ្រោះចេញពីរថយន្ត និងបានទទួលរងរបួសយ៉ាងធ្ងន់ស្រាលតែម្តង។

ក្រោយពេលកើតហេតុភ្លាមៗនោះ ក្រឡាប់អ្នកបើករថយន្តបានគេចខ្លួនបាត់ស្រមោល រីឯវត្ថុតាងកម្លាំងនគរបាលជំនាញ បានយកមករក្សាទុកនៅ អធិការដ្ឋាននគរបាលស្រុក រងចាំដោះស្រាយគ្នានាពេលក្រោយ៕ដោយ ហង្ស សុភាព