មនុស្សជិតពីរពាន់នាក់ បានបំបែកកំណត់ត្រាពិភពលោក ដោយបណ្ដែតខ្លួននៅលើទឹកក្នុងបឹងទឹកប្រៃមួយកន្លែង ក្នុងប្រទេស អាហ្សង់ទីន ដោយបណ្ដែតខ្លួនកាន់ដៃគ្នាជាខ្សែ នៅលើទឹកបឹង Epecuen នៅភាគអាគ្នេយ៍ខេត្ត Buenos Aires ។
ការសម្ដែងនេះចូលរួមដោយមនុស្ស ១៩១៤ នាក់ បានបំបែកកំណត់ត្រារបស់មនុស្សមួយក្រុមដែលកាន់ដៃគ្នាបណ្ដែតខ្លួននៅលើទឹក ក្នុងបឹង Sun Moon នៅលើកោះតៃវ៉ាន់ ចូលរួមដោយមនុស្ស ៦៣៤ នាក់ ក្នុងឆ្នាំ ២០១៤ ដោយមានឧបករណ៍បណ្ដែតសម្រាប់ជួយ ។ ទោះយ៉ាងណា អ្នកចូលរួមក្នុងកម្មវិធីនៅ អាហ្សង់ទីន ពុំមានឧបករណ៍បណ្ដែតទឹកជាជំនួយឡើយ ដោយសារបឹង Epecuen មានទឹកប្រៃជាងទឹកសមុទ្រ ១០ ដង ធ្វើឲ្យមនុស្សងាយក្នុងការបណ្ដែតខ្លួន ធ្វើឡើងក្នុងពិធីទេសចររបស់ប្រជាជនក្នុងតំបន់ ។
ពិធីនោះ ចូលរួមទស្សនាដោយអ្នកទេសចរដ៏ច្រើន ដែលធ្វើដំណើរទៅកាន់បឹង Epecuen ដើម្បីមើលថ្ងៃលិចនៅលើផ្ទៃទឹកបឹង ជាទីតាំងទេសចរស្ថិតនៅក្បែរមាត់សមុទ្រ និងជាទីប្រជុំជនមានប្រជាប្រិយបំផុតក្នុងប្រទេស អាហ្សង់ទីន ។
ផ្តល់សិទ្ធិដោយ៖KQUBE
