នៅព្រឹកថ្ងៃទី០៩ កុម្ភៈនេះ រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារឹទ្ធ បានដាក់សំណួរធ្វើតេស្តការអនុវត្តមួយដល់នគរបាលចរាចរណ៍ទាក់ទិននឹងស្លាកលេខ Press ឬសារព័ត៌មាន ដែលបុគ្គលិកមួយចំនួនបានក្លែងបន្លំធ្វើយកមកប្រើប្រាស់ដែលផ្ទុយពីច្បាប់កំណត់។
តាមរយៈហ្វេសប៊ុកផ្លូវការរបស់រដ្ឋមន្ត្រីក្រសួងព័ត៌មានរូបនេះ ឯកឧត្តមបានសរសេរថា "ហេតុអីនគរបាលចរាចរណ៍មើលមិនឃើញ? នេះមិនមែនជាទោសពិន័យទេ តែជាទោសគុក (ក្លែងបន្លំលិខិតសាធារណៈ)”។
ស្របជាមួយនឹងសំណេរអមរូបថតម៉ូតូដ៏កញ្ចាស់មួយ ដែលឯកឧត្ដមបានបង្ហោះលើបណ្តាញសង្គមនោះ ក៏មានមិត្តអ្នកលេងមួយចំនួនបានចូល Comment ឆ្លើយតបថា នៅមានច្រើនទៀត ហើយមិត្តខ្លះទៀតលើកឡើងដែរថា បើនគរបាលចង់ចាប់ប្រហែលជាអស់យូរហើយ ប៉ុន្តែណាស់តែពួកគាត់ខ្ជិលរវីរវល់៕
ផ្តល់សិទ្ធិដោយ៖KQUBE
