ការវិវត្តរបស់ ចាន់ វឌ្ឍនាការ ខ្សែប្រយុទ្ធជម្រើសជាតិកម្ពុជា ក្នុងការទៅលេងនៅប្រទេសជប៉ុនជាការបង្ហាញថាបាល់ទាត់កម្ពុជា កំពុងបង្ហាញខ្លួនលើឆាកអន្តរជាតិជាបណ្ដើរហើយ។
កាសែត Online របស់ថៃមួយនេះបានសរសេរថា កីឡាករវ័យ២៣ឆ្នាំបានធ្វើដំណើរដល់ប្រទេសជប៉ុនរួចទៅហើយ ដើម្បីទៅលេងនៅក្លឹប Fujieda MYFC ដែលលេងនៅលីកលំដាប់ទី៣នៅជប៉ុនក្នុងលក្ខខណ្ឌខ្ចីជើងមួយរដូវកាល ហើយការទៅដល់ បានទទួលការស្វាគមន៍យ៉ាងកក់ក្ដៅពីអគ្គរាជទូតកម្ពុជានៅជប៉ុន និងថ្នាក់ដឹកនាំក្លឹបផងដែរ។
រូបគេធ្វើដំណើរទៅលេងនៅជប៉ុនលើកនេះ គឺទៅហ្វឹកហាត់ផងដែរ ដើម្បីត្រៀមខ្លួនចូលលេងក្នុងការប្រកួតនៃJ3 ។ ប្រធានក្លឹប Fujieda MYFC បាននិយាយថា៖" ក្នុងនាមជាកីឡាកររបស់កម្ពុជាដ៏ល្បី ដែលរីករាយក្នុងការលេងនៅជប៉ុន ខ្ញុំនឹងជួយគាត់ឲ្យក្លាយជាកីឡាករលេងល្អកម្រិតអាស៊ី និងពិភពលោក"។
ក្រៅពីវឌ្ឍនាកា ដែលទៅលេងនៅលីកលំដាប់ទី៣ជប៉ុន កីឡាករ Sittichok Siri En របស់ថៃក៏ទៅលេងនៅក្លឹប Kagoshima United ក្នុងJ3 ដែរ។
ផ្តល់សិទ្ធិដោយ ៖KQUBE
