√ ស្ត្រីម្នាក់បានឆ្លងទន្លេ ប្រសូត្របុត្រ បានចំនួនបី គួរឲ្យភ្ញាក់ផ្អើលទៀតហើយ (វីដេអូ)

ខេត្តស្វាយរៀង ៖ មានការភ្ញាក់ផ្អើល ដល់ក្រុមគ្រូពេទ្យ ស្រុករមាសហែក ខណះស្ត្រីម្នាក់ បានឆ្លងទន្លេប្រសូត្រ បានទារកទារិការ៣នាក់ កាលពីវេលាម៉ោង១២យប់ ឈានចូលថ្ងៃទី២១ ខែមីនា ឆ្នាំ២០១៧ ហើយត្រូវបានបញ្ជូនបន្ត មកកាន់មន្ទីពេទ្យបង្អែកខេត្តស្វាយរៀង។

យោងតាមបុរសជាប្ដីឈ្មោះ លី.ចិន អាយុ២៣ឆ្នាំ មុខរបរកសិករ បានអោយដឹងថា គាត់បានរៀបការជាមួយ ប្រពន្ធឈ្មោះ ចាន់.ឡុងនី អាយុ១៨ឆ្នាំ រស់ក្នុងភូមិឈើភ្លើង ឃុំកំពង់ត្រាច ស្រុករមាសហែក បានជាងមួយឆ្នាំមកហើយ។ ប្រភពបន្តថា មុនពេលឆ្លងទន្លេមួយអាទិត្យមុន ប្រពន្ធគាត់បានយល់សប្តិឃើញមាន មនុស្សបានអោយចិញ្ជៀន៣វង់ ដល់ប្រពន្ធពាក់លើម្រាមដៃ ខណះបានត្រេកអរយ៉ាងខ្លាំង ហើយក៏បានភ្ញាក់ដឹងខ្លួន ឡើងប្រាប់ដល់គាត់ជាប្ដីទាំងព្រឹក។

ប្រភពបន្តថា ស្រាប់តែនៅយប់ថ្ងៃទី២០ខែមីនាឆ្នាំ២០១៧ ប្រពន្ធបានឈឺពោះ ហើយក៏បានអោយគាត់ និងក្រុមគ្រួសារប្រញាប់ដឹក មកកាន់មន្ទីពេទ្យស្រុករមាសហែកភ្លាមៗ រហូតមកដល់ម៉ោង១២ក៏ប្រសូត្របាន ទារកទារិការ៣នាក់ ហើយត្រូវបានដឹកបន្តមកកាន់មន្ទីពេទ្យ ខេត្តស្វាយរៀងតែម្ដង។

យោងតាមគ្រូពេទ្យផ្នែកកុមារនៃមន្ទីរពេទ្យ ខេត្តស្វាយរៀង បានអោយដឹងថា ទារកទារិការទាំង៣ គឺមានទម្ងន់មួយគីឡូ និងមួយគីឡូ២ខាំ ដោយគ្រូពេទ្យបាននិងកំពុងដាក់កំដៅ និងដាក់សេរ៉ូមនៅឡើយ រីឯម្ដាយគឺមានសុខភាពធម្មតា កំពុងសំរាកក្នុងមន្ទីពេទ្យបង្អែក ខេត្តស្វាយរៀងផងដែរ៕ ដោយ វីរះ ពៅ ស្វាយរៀង