បងប្អូនប្រជាពលរដ្ឋខ្មែរដែលមានចំការចេក ឬមានដើមចេកណាំវ៉ាច្រើន ដឹងតែត្រូវប៉ានហើយឆ្នាំនេះ ពីព្រោះថាចូលឆ្នាំថ្មីប្រពៃណីជាតិខ្មែរ ឆ្នាំរកា នព្វស័ក ព.ស ២៥៦១ ដែលត្រូវនឹងថ្ងៃទី១៣ ខែមេសា ឆ្នាំ២០១៧ វេលាម៉ោង ៣និង១២នាទីយប់ ឈានចូលថ្ងៃទី១៤ ខែមេសា ឆ្នាំ២០១៧ មានទេពធីតា មួយអង្គនឹងចុះមកភពផែនដី មានភារកិច្ចគ្រប់គ្រប់បន្តពីទេពធីតា មណ្ឌាទេវីនោះ ទ្រង់សោយ ចេកណាំវ៉ា។
ទេពធីតា ឆ្នាំរកានេះទ្រង់មានព្រះនាម កិមិរាទេវី ជាបុត្រីទី៦ កបិលមហាព្រហ្ម ទ្រង់លម្អផ្កា ចង្កុរណី (ប្រភេទផ្កាសឈូក, មានកេសរច្រើនស្រទាប់)នៅលើត្រចៀក អភរណៈ កែវបុស្សរាគ័ម (ត្បូងពណ៌លឿង) មានសត្វក្របី (មហឹង្សា) ជាយានជំនិះ ដៃស្តាំកាន់ព្រះខ័ន ដៃឆ្វេងកាន់ពិណ ហើយទ្រង់សោយ ចេកណាំវ៉ា។
ផ្ដល់សិទ្ធិដោយ៖KQUBE
