ភ្នំពេញ៖ កម្លាំងសមត្ថកិច្ចដោយមានការ សម្របសម្រួលពីលោក គុជ គឹមឡុង ព្រះរាជអាជ្ញារង អមសាលាដំបូង រាជធានីភ្នំពេញ បានចុះឆែកឆេរ ហាងមួយកន្លែងកាលពីយប់ថ្ងៃទី២០ ខែមិនា ឆ្នាំ២០១៧នេះ នៅចំណុចទីតាំង ម៉ាស្សា ដែលមានបង្កប់ សេវាបម្រើផ្លូវភេទ មួយកន្លែង យីហោ ម៉ាស្សា៧៧៧៧ ស្ថិតនៅផ្លូវ ២០១១ ភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ ភ្នំពេញ។
ប្រភពបានអោយដឹងថា ការចុះបង្ក្រាប ជាក់ស្តែងនេះ ឃាត់ខ្លួនជនសង្ស័យពីរនាក់ និងរំដោះជនរងគ្រោះ ៤នាក់។ តាមរបាយការណ៍ របស់សមត្ថកិច្ច បានឲ្យដឹងថា ក្នុងការចុះបង្ក្រាបនេះដែរ បានរកឃើញវត្ថុតាងមួយចំនួន ដូចជា ស្រោមអនាម័យមិនទាន់ប្រើ និងប្រើហើយ មួយចំនួនធំ, សៀវភៅកត់ត្រាបញ្ជីមួយចំនួនផងដែរ៕ ដោយ៖ (សុវណ្ណ)
ផ្ដល់សិទ្ធិដោយ៖VD7
