រដ្ឋបាលអវកាស និងអាកាសចរជាតិ ហៅកាត់ថា NASA ដែលជាភ្នាក់ងារវិទ្យាសាស្ត្រ សហរដ្ឋអាមេរិក ឲ្យដឹងថា ផ្កាយព្រះ (Asteroid) គ្រោះមួយមានទំហំ ៤០០ ម៉ែត្រ បានហោះហើរឆ្លងកាត់លំហអាកាសចម្ងាយមួយលាន៨សែនគីឡូម៉ែត្រពីផែនដីកាលពីថ្ងៃពុធម្សិលមិញ ។
វីដេអូនៃការហោះហើររបស់ផ្កាយព្រះគ្រោះ ថតបានដោយតេឡេស្កុប Slooh ដែលជាតេឡេស្កុបថតរូបភាពក្នុងចក្រវាឡ របស់វិទ្យាស្ថានអវកាសវិទ្យា ដំឡើងនៅលើកោះ Canary របស់ប្រទេស អេស្ប៉ាញ ស្ថិតនៅភាគពាយ័ព្យទ្វីបអាហ្វ្រិក ។ ក្នុងឆ្នាំ ២០១៤ ធ្លាប់មានផ្កាយព្រះគ្រោះមួយដែលតូចជាងនេះ ហោះហើរឆ្លងកាត់លំហអាកាសក្នុងចម្ងាយប្រមាណមួយលាន៦សែនគីឡូម៉ែត្រពីផែនដី ប៉ុន្តែផ្កាយព្រោះគ្រោះកាលពីថ្ងៃពុធ មានទំហំធំ ហើយស្ថិតនៅជិតផែនដីមួយលាន៨សែនគីឡូម៉ែត្រ ។
ផ្កាយព្រោះគ្រោះគឺជាដុំថ្មហោះហើរក្នុងចក្កវាឡ ភាគច្រើនមានទទឹងចាប់ពី ៦០០ ទៅ ១៤០០ ម៉ែត្រ គឺមិនអាចមើលឃើញដោយភ្នែកទទេបានឡើយ ប៉ុន្តែភ្នាក់ងារសង្កេតលំហអាកាសអាចមើលឃើញផ្កាយព្រះគ្រោះទាំងនោះតាមរយៈតេឡេស្កុប ដូចជាផ្កាយព្រះគ្រោះ J025 ដែលហោះហើរក្នុងលំហអាកាសចម្ងាយជិតពីរលានគីឡូម៉ែត្រពីផែនដីកាលពីថ្ងៃពុធជាដើម ។ រយៈពេលយ៉ាងតិច ៥០០ ឆ្នាំទៅមុខទៀតនឹងគ្មានផ្កាយព្រះគ្រោះដែលហោះហើរជិតផែនដីដូច្នេះទៀតឡើយ ។
ប្រភពៈ reuters
