ខេត្តកំពង់ធំ ៖ ខ្យល់កន្ត្រាក់លាយឡំនិងភ្លៀងរលឹមស្រិចៗ ស្រាប់តែមានរន្ទះបាញ់ ឆក់យកជីវិតបុរសវ័យចំណាស់ម្នាក់ ស្លាប់យ៉ាងអាណោចអធ័ម កាលពីវេលាម៉ោង 2និង15នាទីរសៀល ថ្ងៃទី22 ខែមេសា ឆ្នាំ2017 នៅចំណុចវាលវែងត្បូង ភូមិត្រពាំងជ្រៃ ប្រមាណមួយគីឡូម៉ែត ស្ថិតក្នុងឃុំបល្ល័ង្គ ស្រុកបារាយណ៍ ខេត្តកំពង់ធំ។
ជនរងគ្រោះឈ្មោះ យ៉ាន់ ផាត ភេទប្រុស អាយុ 51ឆ្នាំ មានប្រពន្ធនិងកូនពីរនាក់ រស់នៅភូមិឃុំកើតខាងលើ។ ប្រពន្ធជនរងគ្រោះបានឱ្យថា មុនពេលកើតហេតុ ប្តីគាត់បានយកគោទៅឃ្វាល ខាងត្បូងភូមិ ជារៀងរាល់ថ្ងៃ លុះដល់វេលាកើតហេតុខាងលើ ស្រាប់តែមានរន្ទះបាញ់ឥតមេត្តា បានឆក់យកអាយុជីវិតប្តីគាត់។
ក្រោយកើតហេតុ នគរបាលប៉ុស្តិ៍រដ្ឋបាលឃុំបល្ល័ង្គ បានចុះទៅកោលស្យវិច្ច័យ ឃើញថាសពពិតជាស្លាប់ដោយរន្ទះបាញ់មែន រួចក៏ប្រគល់សពឲ្យប្រព្ធកូន រៀបចំធ្វើបុណ្យតាមប្រពៃណី៕ ដោយ អ៊ុង សំអាត
