ទាក់ទិនទៅនឹងអាជ្ញាធរកូរ៉េខាងជើងបានចាប់ឃុំខ្លួនពលរដ្ឋអាមេរិកម្នាក់ ដែលជាបុគ្គលិកផ្ដល់ជំនួយ ចំពេលរូបគេកំពុងធ្វើដំណើរចាក់ចេញពីអាកាសយានដ្ឋានអន្តរជាតិ Sunan ទីក្រុងព្យុងយ៉ាង ពេលនេះបានធ្វើឲ្យរដ្ឋាភិបាលអាមេរិក លោក Mike Pence ខឹងសម្បារយ៉ាងខ្លាំង ដោយបានចាត់ទុកថា មេដឹកនាំផ្ដាច់ការ លោក គីម ជុងអ៊ុង ប្រើប្រាស់បុរសរូបនេះមកធ្វើជាថ្នូរក្នុងការចរចារជាមួយនឹងប្រធានាធិបតី ដូណាល់ ត្រាំ ដែលប្រឆាំងនឹងអាវុធនុយក្លេអ៊ែររបស់ខ្លួន។
បើតាមការចុះផ្សាយរបស់សារព័ត៌មាន Sputnik នាព្រឹកថ្ងៃទី២៤ ខែមេសានេះ បានឲ្យដឹងថា កាលពីថ្ងៃអាទិត្យទី២៣ ម្សិលមិញ ទីក្រុងព្យុងយ៉ាងបានចាប់ឃុំខ្លួនបុរសរូបឈ្មោះ Tony អាយុ៥០ឆ្នាំជាបុគ្គលិកផ្ដល់ជំនួយជនជាតិអាមេរិក និងជាអតីតសាស្ត្រាចារ្យ នៅសាកលវិទ្យាល័យវិទ្យាសាស្ត្រ និងបច្ចេកវិទ្យានៅចិន និងកូរ៉េផង ដោយការចាប់ខ្លួននេះ គឺចំពេលដែលអាមេរិកបង្កើនកម្លាំងទ័ពនៅកូរ៉េខាងត្បូង ប្រុងវាយប្រហារកម្ទេចរោងចក្រនុយក្លេអ៊ែររបស់កូរ៉េខាងជើង។
