សិល្បៈ ៖ រឿងរ៉ាវ ឈិន សុធារី តាមទាន់លោក សុវណ្ណ មករា នាំស្រីក្មេងឡើងផ្ទះសំណាក់មិនទាន់រសាត់ឆ្ងាយពីអារម្មណ៍ទស្សនិកជនផង ពេលនេះគ្រួសារអ្នកសិល្បៈមួយគូនេះជួបរឿងអាប់អួបន្តទៀតហើយ ខណៈដែលលោក សុវណ្ណ មករា បានចេញសារសុំទោសប្រពន្ធ ដោយលោកសម្រេចចិត្តដើរចេញពីជីវិតប្រពន្ធ ព្រោះគោលបំណងចង់ឲ្យភរិយាមានគូជីវិតថ្មី ហើយលោកបន្តដើរពាលាអាវាសែ។
នេះគឺជាសាររបស់លោក សុវណ្ណ មករា ដែល Kqube.net ចំលងមកទាំងស្រុង "ជូនធារីអតីតឧត្ដមភរិយាបង បងទទួលស្គាល់ថាបងមិនមែនជាប្ដីល្អ មិនមែនជាឪពុកល្អទេ បងក្រីក្រហើយថែមទាំងផឹកស៊ី មានស្រីញីក្រៅផ្ទះទៀត តែអូនមិនដែលខឹងយកទោសអូសដំណើរនឹងបងឡើយ អូនថែមទាំងនៅតែស្រលាញ់បងដដែល កំហុសបងគរដូចភ្នំខ្សាច់ បងពិតជាខ្មាសអៀនអូនណាស់ គឺខ្មាសរហូត ដល់ថ្នាក់បងត្រូវតែចាកចេញឲ្យឆ្ងាយពីជីវិតអូនជាដាច់ខាត ដើម្បីឲ្យអូនមានអនាគតត្រចះត្រចង់លើវិថីជីវិតថ្មីនៃអូនចុះ ចំណែកបងវិញសូមបន្តជីវិតពាលាដូចសព្វថ្ងៃរបស់បងបន្តទៀត ចំណែកកូនប្រុសស្រីយើងទាំងពីរ បងសូមចូលរួមអាហារកិច្ចចិញ្ចឹមបីបាច់រហូតដល់កូនយើងធំអាចចិញ្ចឹមជីវិតពួកគេដោយខ្លួនបាន និស្ស័យស្នេហ៍យើងដល់វេលាដែលត្រូវតែចប់ហើយអូន គឺចប់ដោយស្នាមញញឹម ចប់ដោយសន្តិភាព យើងអាចរាប់គ្នាជាបងប្អូនបានណាអូន ....៕
