រាជធានីភ្នំពេញ៖ អ្នកលក់ម៉ាំម្នាក់ហៅឈ្មោះខ្លួនឯងថា បូរ៉ាម៉ាំ និងដែលត្រូវបាន គេស្គាល់ជាអ្នកធ្វើម៉ាំលក់និងចែកចាយបន្តឲ្យអ្នកលក់ម៉ាំល្ហុងសម័យថ្មី តុបតែងខ្លួនដូចតារាអមជាមួយវែនតាធំៗ និងធុងបាសមួយ ដើរលក់ស្ទើរពេញរាជធានីភ្នំពេញនោះ បានកើតទុកមិនសុខចិត្តជាមួយអ្នកទារផាស៊ីនៅ ក្រុងរណបកោះពេជ្រថា ទារថ្លៃចូលលក់កប់ក្លោងក្នុងមួយម៉ូតូ។
ការទារយ៉ាងច្រើននោះដែលបុរសម្នាក់នេះបានអះអាងថា អ្នកយកផាស៊ីថ្លៃចូលលក់ម៉ាំល្ហុងនៅកោះពេជ្របានទារពីពួកគេក្នុងមួយម៉ូតូ ៣០ ដុល្លារ ស្មើនឹង ១២ម៉ឺនរៀល ខណៈក្នុងម៉ូតូៗរបស់ពួកគេមានត្រឹម៧០ទៅ១០០កញ្ចប់ បើអាចលក់អស់ ពួកគេអាចទទួលបានត្រឹមតែ ១២-១៣ ម៉ឺនរៀលប៉ុណ្ណោះ។
ដូច្នេះថាតើ បើពួកគេចង់ចូលលក់នៅកោះពេជ្រត្រូវឲ្យលុយពីការលក់ទៅអ្នកយកផាស៊ីទាំងអស់ឬយ៉ាងណា? បើឲ្យទៅទាំងអស់ តើពួកគាត់បានអ្វីមកវិញ ដើម្បីបង់ផ្ទះជួលនិងទ្រង់សេដ្ឋកិច្ចគ្រួសារ? យ៉ាងណាមិញចង់ដឹងច្បាស់ សូមទស្សនាវីដេអូខាងក្រោមនេះ៖